09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՀԱՊԿ-ը «գցե՞ց» Փաշինյանին. սահմանին մարդկային կորուստներ կան, իսկ ՀԱՊԿ-ի մեխանիզմները չեն աշխատում. ՏԵՍԱՆՅՈւԹ
Քաղաքականություն
12.01.2022 | 21:31
Ադրբեջանի հերթական արգեսիան Հայաստանի՝ ՀԱՊԿ նախագահող պետության նկատմամբ ՀԱՊԿ-ի կողմից անարձագանք է մնում: Կառույցը երեկ տեղի ունեցած սահմանային լարման վերաբերյալ որևէ հայտարարություն չի տարածել: Ասել է թե՝ հարձակվում են ՀԱՊԿ-ի վրա, բայց ՀԱՊԿ-ն լռում է:
Իրավիճակը հայ-ադրբեջանական սահմանի Գեղարքունիք մարզի հատվածում սրվել էր հունվարի 11-ի կեսօրից սկսած: Հայկական կողմը հայտնել է երեք զոհի և երկու վիրավորի մասին:
Ադրբեջանը իրավիճակը սրում է Ղազախստանում ՀԱՊԿ-ի՝ հինգ հազար թվակազմից բաղկացած զորախումբ տեղակայելուց մի քանի օր անց: Այս ֆոնին հիշարժան են դառնում տարեսկզբին Անվտանգության խորհրդի քարտուղար Արմեն Գրիգորյանի հայտարարությունները, թե Հայաստանին հաջողվում է ՀԱՊԿ մեխանիզմները գործարկել, ինչն էլ ենթադրում է՝ ըստ անհրաժեշտության ՀԱՊԿ-ը կօգնի նաև Հայաստանին: Մատնանշած օգնություն ստանալու առիթը շատ չուշացավ:
Հունվարի 7-ի հայտարարությունից չորս օր էլ չէր անցել՝ Ադրբեջանը Հայաստանի սուվերեն տարածքում ԱԹՍ-ներ և հրետանային միջոցներ կիրառելով՝ մահացու վիրավորում հասցրեց երեք զինծառայողի: Պաշտոնական Երևանը խստորեն մի կողմից խստորեն դատապարտեց տեղի ունեցածը՝ շեշտելով, որ Ադրբեջանի զինված ուժերի ստորաբաժանումների սադրանքը հերթական դրսևորումն է Հայաստանի տարածքային ամբողջականության նկատմամբ, մյուս կողմից քայլեր չի ձեռնարկում, որպեսզի դիմի այն նույն ՀԱՊԿ-ին, որի զորախումբը օրեր առաջ ուղարկեց Ղազախստան՝ ներքին խռովությունները ճնշելու համար: Ինչու Հայաստանի իշխանությունները չեն կարողանում արդեն իսկ գործարկված ՀԱՊԿ-ի անվտանգային մեխանիզմները կիրառել սեփական պետության շահերի համար:
Մանրամասները՝ տեսանյութում։
Նարեկ Կիրակոսյան
