08.06.2026 | 22:58
Հայտնի է նոր Ազգային ժողովի առաջին նիստի օրը
Իրանը պատրաստ է միջնորդի դեր խաղալ Թալիբան շարժման և Աֆղանստանի դիմադրության ուժերի միջև
Քաղաքականություն
12.01.2022 | 12:30
Իրանը պատրաստ է միջնորդի դեր խաղալ Թալիբան շարժման և Աֆղանստանի դիմադրության ուժերի միջև երկխոսության հարցում և ընդլայնել նման հանդիպումների ձևաչափը՝ հրավիրելով տարածաշրջանի երկրներին, այդ թվում՝ Ռուսաստանին։ Այս մասին գրում է աֆղանական Hasht e Subh թերթը՝ վկայակոչելով Թեհրանում սեփական աղբյուրներին։
Իրանը երկխոսություն է նախապատրաստում թալիբների և Ազգային դիմադրության ճակատի միջև, սակայն առայժմ ոչ պաշտոնական մակարդակով։ Միևնույն ժամանակ, իրանական կողմը պատրաստ է ինչպես նպաստել երկու կողմերի միջև արդյունավետ երկխոսությանը, այնպես էլ պաշտոնական հանդիպումներ կազմակերպել թալիբների, դիմադրության ուժերի, այլ քաղաքական շարժումների և Աֆղանստանում հայտնի քաղաքական գործիչների միջև:
Թերթի տվյալներով՝ Իրանն ակնկալում է ապագայում երկխոսության մեջ ներգրավել որոշ շահագրգիռ երկրների, այդ թվում՝ Ռուսաստանին, Չինաստանին, Պակիստանին և Թուրքիային։
Տաթև Ֆռանգյան
