16.01.2025 | 23:06
Ստամբուլի ընդդիմադիր քաղաքապետը Թուրքիայի իշխանություններին կոչ է արել իրեն դատել և հանգիստ թողնել իր կուսակցությանը
Նվազագույն աշխատավարձը դարձնել 100 հազար դրամ. «Հայաստան» խմբակցության նախագիծը
Քաղաքականություն
11.01.2022 | 20:13
Ազգային ժողովի ընդդիմադիր «Հայաստան» խմբակցությունը շրջանառության մեջ է դրել օրենքի նախագիծ, որով առաջարկվում է Հայաստանում նվազագույն ամսական աշխատավարձը դարձնել 100 հազար դրամ: Այս մասին Factor TV-ն տեղեկացավ Ազգային ժողովի կայքից։
Նշենք, որ ներկայում այն կազմում է 68 հազար դրամ։
Խմբակցությունն առաջարկում է, որպեսզի փոփոխությունն ուժի մեջ մտնի այս տարվա հուլիսի 1-ից: Նշվում է, որ առաջարկի հիմքում դրված են մի շարք սոցիալ-տնտեսական հիմնավորումներ, մասնավորապես, նկատի ունենալով Ազգային վիճակագրական կոմիտեի կողմից՝ ըստ Առողջապահության նախարարության կողմից մշակված սննդամթերքի կազմի, կառուցվածքի և էներգետիկայի հաշվարկված նվազագույն սպառողական զամբյուղի արժեքին և աղքատության մակարդակին վերաբերող տվյալները:
Հիշեցնենք, որ վերջին անգամ նվազագույն աշխատավարձի բարձրացում տեղի է ունեցել 2019 թվականի նոյեմբերին 19-ին խորհրդարանի կողմից ընդունված նախագծով։ Այն ուժի մեջ էր մտել 2020 թվականի հունվարի 1-ից։ Այդ ժամանակ նվազագույն աշխատավարձը 55 հազար դրամից դարձել էր 68 հազար դրամ։
Մերի Մարտիրոսյան
