17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՄՆ-ն հայտարարել է Աֆղանստանին 308 միլիոն դոլարի մարդասիրական օգնություն տրամադրելու մասին
Քաղաքականություն
11.01.2022 | 22:49
ԱՄՆ իշխանությունները հայտարարել են Աֆղանստանին 308 միլիոն դոլարի մարդասիրական օգնություն տրամադրելու մասին։ Այս մասին ասված է ԱՄՆ Ազգային անվտանգության խորհրդի խոսնակ Էմիլի Հորնի հայտարարության մեջ, որը հրապարակվել է Սպիտակ տան կայքում։
«Միացյալ Նահանգները հայտարարում է Աֆղանստանի ժողովրդին ավելի քան 308 միլիոն դոլարի մարդասիրական օգնության նոր նվիրատվության մասին: Այսպիսով 2021 թվականի հոկտեմբերից Աֆղանստանին և տարածաշրջանում աֆղան փախստականներին ԱՄՆ-ի ընդհանուր մարդասիրական օգնությունը կհասնի մոտ 782 միլիոն դոլարի, և մենք մնում ենք որպես Աֆղանստանին մարդասիրական օգնություն տրամադրող ամենախոշոր դոնորը»,- ասել է Հորնը։
ԱՄՆ-ը նաև COVAX մեխանիզմի միջոցով Աֆղանստանին կտրամադրի COVID-19 պատվաստանյութի ևս 1 միլիոն չափաբաժին, տրամադրվող դեղաչափերի ընդհանուր թիվը կկազմի 4,3 միլիոն։
Տաթև Ֆռանգյան
