14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Որոշվել է. Վլադիմիր Գասպարյանը՝ պաշտպանության նախարար, Վիգեն Սարգսյանը՝ արտգործնախարար. «Փաստ»
14.04.2018 | 08:50
«Փաստ» օրաթերթը գրում է.
«Փաստի»` ՀՀԿ վերնախավին մոտ կանգնած աղբյուրի վկայությամբ, Սերժ Սարգսյանն ու Կարեն Կարապետյանը սկսել են նոր կադրային տեղաշարժերի գործընթացը: Որոշել են ոստիկանապետ Վլադիմիր Գասպարյանին նշանակել ՀՀ պաշտպանության նախարար: Աղբյուրի վկայությամբ՝ երկրի ղեկավարները հույս ունեն, որ Վովա Գասպարյանը «դիսցիպլինա» կմտցնի բանակում և «կսանձի» որոշ գեներալների ու ռազմական պաշտոնյաների «ախորժակը»՝ բանակից ինչ–որ բան փախցնելու գործում:
Որոշվել է նաև, որ Վիգեն Սարգսյանը կնշանակվի ՀՀ արտաքին գործերի նախարար:
Ինչ մնում է Էդվարդ Նալբանդյանին, ապա նա շատ հետաքրքիր առաջարկություն ունի Ֆրանկոֆոնիայի միջազգային կազմակերպությունից: Հնարավոր է, որ նա նշանակվի այս կազմակերպության գլխավոր քարտուղար Միկայել Ժանի տեղակալ:
Հետաքրքիր է՝ մեր կադրերին դրսում մեծ տեղ են տալիս: Տիգրան Սարգսյանը երկրի վարչապետի պաշտոնին հրաժեշտ տալուց հետո նշանակվեց Եվրասիական տնտեսական հանձնաժողովի կոլեգիայի նախագահ, Նալբանդյանը «մի ոտքով» Ֆրանկոֆոնիայում է:
Այսպես եթե գնա, պաշտպանության ապագա նախարար Վլադիմիր Գասպարյանը, տարիներ անց, կարող է նշանակվել ՆԱՏՕ–ի ռազմական կոմիտեի նախագահ, գեներալ Պետր Պավելի փոխարեն:
Մանրամասները՝ թերթի այսօրվա համարում:
