16.12.2025 | 13:33
Արման Ծառուկյանի մրցակիցը փոխվել է
Իրանն անիմաստ է համարում միջուկային ծրագրի շուրջ ժամանակավոր համաձայնագրի կնքումը
Քաղաքականություն
10.01.2022 | 18:31
Թեհրանը, Գործողությունների համատեղ համապարփակ ծրագրի (JCPOA) վերականգնման շուրջ Վիեննայի բանակցությունների ժամանակ ակնկալում է միջուկային ծրագրի վերաբերյալ երկարաժամկետ գործարքի կնքում և անիմաստ է համարում միջանկյալ համաձայնագիրը։ Այս մասին հայտնում է Tasnim գործակալությունը՝ հղում անելով Իրանի ԱԳՆ-ին։
«Մենք հավատարիմ ենք երկարաժամկետ և հուսալի համաձայնագրին, առանց այս երկու հատկանիշների, մեր օրակարգում գործարք չի լինի:
Մենք բոլորս պետք է համոզվենք, որ ԱՄՆ-ի վերադարձը JCPOA-ի կատարմանը տեղի կունենա ստուգումներով և երաշխիքներով, ինչպես նաև հակաիրանական պատժամիջոցների վերացումով», – գործակալությունը մեջբերում է Իրանի ԱԳՆ խոսնակ Սաիդ Խաթիբզադեի խոսքերը:
Նա նշել է, որ միջուկային գործարքի ժամանակավոր համաձայնագիրը ոչ մի տեղ չի տանի։
Ըստ Խաթիբզադեի՝ Ավստրիայի մայրաքաղաքում կայացած բանակցությունների մասնակիցները կարողացել են առաջընթացի հասնել չորս ոլորտներում՝ պատժամիջոցների վերացման, ստուգումների, երաշխիքներ ստանալու և միջուկային հարցերի շուրջ։
Տաթև Ֆռանգյան
