22.08.2026 | 15:55
Հրշեջ-փրկարարները մարել են ավտոմեքենայում բռնկված հրդեհը
ՆԱՏՕ-ն՝ ՌԴ-ի հետ հնարավոր փոխզիջումների մասին․ Financial Times
Քաղաքականություն
10.01.2022 | 18:49
ՆԱՏՕ-ն կարող է փոխզիջումների գնալ Ռուսաստանի հետ անվտանգության հարցերում, սակայն դրանց հնարավոր չի հասնել մեկ հանդիպման ժամանակ։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Financial Times-ին տված մեկնաբանությունում։
Նա նշել է, որ Դաշինքը պատրաստ է աշխատել Ռուսաստանի Դաշնության հետ հարաբերությունների բարելավման ուղղությամբ, սակայն մի շարք հանդիպումներ կարող են պահանջվել ապագայում ՆԱՏՕ-ի և Ռուսաստանի միջև փոխզիջումների հասնելու համար։
«Մենք նախկինում արդեն ապացուցել ենք, որ կարող ենք փոխզիջումների գնալ և Ռուսաստանի հետ խնդիրների լուծումներ գտնել», – ասել է Ստոլտենբերգը՝ ընդգծելով, որ հնարավոր է լուծել Ռուսաստանի մտավախությունների հարցը։
Միաժամանակ գլխավոր քարտուղարը հերթական անգամ զգուշացրել է, որ ՆԱՏՕ-ն մտադիր չէ հրաժարվել «բաց դռների» սկզբունքից, ինչը նշանակում է, որ ցանկացած երկիր, այդ թվում՝ Ուկրաինան, կարող է դիմել Դաշինքին միանալու համար։
Տաթև Ֆռանգյան
