19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Խաղաղապահ զորախումբը սահմանափակ ժամկետով կգտնվի Ղազախստանում․ Պուտինը՝ ՀԱՊԿ նիստին. ՏԵՍԱՆՅՈՒԹ
Քաղաքականություն
10.01.2022 | 12:54
Ռուսաստանի նախագահ Վլադիմիր Պուտինը ՀԱՊԿ պետությունների ղեկավարների Հավաքական անվտանգության խորհրդի առցանց նիստում հայտարարել է, որ Հավաքական անվտանգության պայմանագրի կազմակերպությունը գործնականում ցույց է տվել իր ներուժը, արագ, վճռական և արդյունավետ գործելու ունակությունը:
«Կարևոր է, որ մեր երկրների զինվորականները պատրաստություն են անցնում միասնական ծրագրերով, սպառազինությունների, տեխնիկայի և կապի միասնական կամ համատեղելի նմուշներով են զինվում։ Խաղաղապահների հմտությունները կատարելագործվել են համատեղ զորավարժությունների ընթացքում, մասնավորապես, վերջերս անցկացված «Անխախտ եղբայրություն» զորավարժություններում, այդ թվում ՝ Սիրիայում ձեռք բերած ռուսական փորձի կիրառումից»,- ասել է Ռուսաստանի նախագահը։
Պուտինը նշել է, որ զորավարժություններին ցուցադրվել է հմտության և ներդաշնակության բարձր մակարդակ, և հենց նման մանրակրկիտ աշխատանքը թույլ տվեց խաղաղապահներին հնարավորինս սեղմ ժամկետներում և առավելագույն արդյունավետությամբ տեղափոխել Ղազախստան:
Պուտինի հավաստմամբ՝ խաղաղապահ զորախումբը սահմանափակ ժամկետով և առավելագույն արդյունավետությամբ կգտնվի Ղազախստանում:
Մանրամասները՝ տեսանյութում:
