10.10.2026 | 12:14
Երևանի Կենտրոնում ազոտի երկօքսիդի պարունակությունը 4 օր գերազանցել է թույլատրելի սահմանը
ՆԱՏՕ-ն հետևում է Ղազախստանում ՀԱՊԿ օպերացիային
Քաղաքականություն
10.01.2022 | 18:12
ՆԱՏՕ-ի երկրների փորձագիտական հանրությունը և վերլուծական ծառայություններն ուշադիր հետևում են Ղազախստանում ՀԱՊԿ ռազմական ուժերի գործունեությանը։ Այս մասին այսօր հաղորդել է ՏԱՍՍ-ը՝ եվրոպական երկրներից մեկի ՆԱՏՕ-ում մշտական ներկայացուցչության դիվանագիտական աղբյուրին հղումով, գրում է korrespondent-ը։
«Ղազախստանում զանգվածային բողոքի ցույցերը, որոնք ուղեկցվում են ուժի համատարած կիրառմամբ, գրավում են [ՆԱՏՕ-ի] դաշնակիցների վերլուծական և փորձագիտական համայնքների ուշադրությունը, որոնք ուշադիր կուսումնասիրեն դրանք։ Զգալի ուշադրություն է դարձվելու ներքին անկարգությունները ճնշելու նպատակով ՀԱՊԿ ռազմական օպերացիային։ Այս առաքելությունն իր տեսակի մեջ առաջին խոշոր օպերացիան է, որն իրականացվում է այս կազմակերպության կողմից, որտեղ գերիշխող դերակատարություն ունի Ռուսաստանը», – ասել է ռուսական լրատվական գործակալության աղբյուրը։
Հիշեցնենք, որ Ղազախստանում ցույցերի սկզբից ի վեր 164 մարդ է մահացել։ Ավելի քան երկու հազար տուժած դիմել է բուժօգնության։
Տաթև Ֆռանգյան
