10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ԱՄՆ ու ՌԴ բարձրաստիճան պաշտոնյաները Ժնևի բանակցություններից առաջ աշխատանքային ընթրիք են ունեցել
Քաղաքականություն
10.01.2022 | 11:33
Ռուսաստանի և ԱՄՆ-ի բարձրաստիճան պաշտոնյաները կիրակի օրը Ժնևում աշխատանքային ընթրիք են ունեցել՝ որպես այս շաբաթ եվրոպական երեք քաղաքներում մեկնարկող մի շարք հանդիպումների մի մաս։ Հանդիպումը տեղի է ունենում ՌԴ- Ուկրաինա սահմանային լարվածության ֆոնին։
Аbc News-ը՝ վկայակոչելով դիվանագիտական աղբյուրներին, հայտնում է, որ Ռուսաստանի արտաքին գործերի փոխնախարար Սերգեյ Ռյաբկովը հանդիպում է ունեցել ԱՄՆ պետքարտուղարի տեղակալ Վենդի Շերմանի և նրա թիմի հետ։
ԱՄՆ պետքարտուղար Էնթոնի Բլինքենը կիրակի օրը abc-ի «This Week»-ին ասել է, որ Ժնևում երկկողմ բանակցություններից կամ Բրյուսելում ՆԱՏՕ-Ռուսաստան խորհրդի նիստից և Վիեննայում այս շաբաթվա վերջին նախատեսվող Եվրոպայում համագործակցության և անվտանգության կազմակերպությունում հանդիպումներից որևէ առաջընթաց չի ակնկալում:
«Հիմա հարցն իսկապես այն է, թե արդյոք նախագահ Պուտինը կգնա դիվանագիտության և երկխոսության ճանապարհով, թե՞ առճակատման կձգտի»,- ասել է Բլինկենը։
Տաթև Ֆռանգյան
