15.06.2026 | 13:01
Կփոխվի ԱԺ պատգամավորների երդման տեքստը․ Ալեն Սիմոնյանն օրենսդրական 3 նախաձեռնության մասին է հայտնել
Տարածքները պահեք Հայաստանի սահմանի պես. Փաշինյանը փակված փողոցների պատասխանատուներ կարգեց. ՏԵՍԱՆՅՈՒԹ
Քաղաքականություն
13.04.2018 | 22:27
Նիկոլ Փաշինյանը արգելափակված Ֆրանսիայի հրապարկի 4 ուղղությունների պատասխանատուներ կարգեց:
«Մաշտոցի պողոտա-Մոսկովյան փողոց հատվածի պատասխանատուներն են Դավիթ Սանասարյանն ու Արմեն Գրիգորյանը: Բաղրամյան-Մոսկովյան հատվածի պատասխանատուներն են «Հանուն Հայաստան պետուն» ճակատի ներկայացուցիչներ Արմեն Մարտիրոսյանն ու Պետրոս Մակեյանը: Թումանյան-Մաշտոցի պողոտա հատվածի պատասխանատուներն են Հյակ Բարսեղյանը և Շահեն Հարությունյանը: Սայաթ-Նովա հատվածի պատասխանատուներն են «Քաղաքացիական պայմանագիր» կուսակցության վարչության անդամներ՝ Տիգրան Ավինյանն ու Գարիկ Սարգսյանը: Եվ Թումանյան փողոց-Հյուսիսային պողոտա խաչմերուկի պատասխանատուներն են ՔՊԿ վարչության անդամ Սուրեն Պապիկյանը և ԱԺ պատգամավոր Արարատ Միրզոյանը»,- ներկայացրեց Նիկոլ Փաշինյանը:
«Նվազագույն խնդիրն այս պահի այն է, որ մենք պետք է պահենք մեր տարածքը»,- ասաց Փաշինյանը՝ քաղաքացիներին կոչ անելով հարթակ ստեղծել, միանալ ու իրենց կամքը արտահայտել ընդդեմ Սերժ Սարգսյանի 3-րդ ժամկետի:
«Մեր հսկողության տակ գտնվող տարածքները պետք է համապատասխանեն Հայաստանի պետական սահմանին»,- ասաց Փաշինյանը, որն ընդունվեց ջերմ ծափահարություններով:
«Եկեք ձեզնով լցրեք Մաշտոցի պողոտան և դուք կհաղթեք»,- կոչով իր ելույթն ավարտեց ընդդիմադիր ցուցարարների պատասխանատուն:
