10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Ղազախստանում ցուցարարները գրավել են ազգային անվտանգության կոմիտեի վարչության շենքը
Քաղաքականություն
05.01.2022 | 21:25
Ալմա Աթայում ցուցարարները գրավել են Ղազախստանի ազգային անվտանգության կոմիտեի վարչությունը։ Այս մասին ՏԱՍՍ-ին հայտնել է այս իրադարձությանը ականատեսներից մեկը։
«Մի քանի տասնյակ մարդիկ ներխուժել են Ալմաթիի Ազգային անվտանգության կոմիտեի կենտրոնակայանի շենք և ամբողջությամբ գրավել այն»,- պատմել է ականատեսը:
Հիշեցնենք, որ Ղազախստանի նախագահը հայտարարել էր, որ այսօրվանից կգլխավորի Անվտանգության խորհուրդը։ Նշենք, որ Մանգիստաու շրջանի Ժանաոզեն և Ակտաու քաղաքների բնակիչները հունվարի 2-ին զանգվածաբար փողոց են դուրս եկել՝ վառելիքի գները նվազեցնելու կոչով։ Ավելի ուշ բողոքի ցույցերը տարածվել են ողջ Ղազախստանով։ Ցուցարարների հետ հանդիպումից հետո իշխանությունները հայտարարել են Մանգիստաու շրջանում հեղուկ գազի գնի նվազեցման մասին, սակայն իրավիճակը չի կայունացել։ Ցուցարարները անկարգություններ են կազմակերպել, իսկ ոստիկանությունը սկսել է լուսաձայնային նռնակներ օգտագործել:
Հավելենք նաև, որ Ղազախստանի ողջ տարածքում արտակարգ դրություն էր հայտարարվել։ Ցուցարարները գրավել են Ղազախստանի նախագահի Ալմաթիի նստավայրը։
Տաթև Ֆռանգյան
