16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԶՊՄԿ-ի պետական մասնաբաժինը հանձնվեց հավատարմագրային կառավարման. ՏԵՍԱՆՅՈՒԹ
Տնտեսություն
05.01.2022 | 11:45
Կառավարությունը «Զանգեզուրի պղնձամոլիբդենային կոմբինատ» ՓԲԸ-ի` ՀՀ սեփականություն հանդիսացող բաժնետոմսերով հավաստված իրավունքները «Հայաստանի պետական հետաքրքրությունների ֆոնդի»-ի հավատարմագրային կառավարմանը հանձնելու մասին նախագիծը Կառավարության այսօրվա նիստում ներկայացրեց փոխվարչապետ Համբարձում Մաթևոսյանը:
«Նախագծով նախատեսվում է «Զանգեզուրի պղնձամոլիբդենային կոմբինատ» ՓԲԸ-ի` ՀՀ սեփականություն հանդիսացող 15 % բաժնետոմսերով հավաստված իրավունքները հանձնել «Հայաստանի պետական հետաքրքրությունների ֆոնդի» հավատարմագրային կառավարմանը՝ միաժամանակ պահպանելով սեփականության նկատմամբ պետության իրավունքը»,- նշեց փոխվարչապետը:
Մաթևոսյանը նշեց նաև, որ նախագծով առաջարկվել է հանձնարարել վարչապետի աշխատակազմին՝ ՀՀ անունից կնքել հիշատակված հավատարմագրային կառավարման մասին պայմանագիրը:
«Հայաստանի պետական հետաքրքրությունների ֆոնդ» ՓԲԸ-ն 100 տոկոս պետական սեփականությամբ առևտրային կազմակերպություն է, որի մանդատներից մեկը պետության ռազմավարության նշանակության ակտիվներում պետության՝ որպես սեփականատիրոջ արդյունավետ ներկայացումն է»,- նշեց Մաթևոսյանը:
Մանրամասները՝ տեսանյութում:
