17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բռնակներով տոպրակները, որոնք տալիս են մարդկանց խանութներում, արգելվում են. Հակոբ Սիմիդյան. ՏԵՍԱՆՅՈՒԹ
Տնտեսություն
05.01.2022 | 11:40
Հունվարի 1-ից արգելվել է որոշակի տեսակի պոլիէթիլենային տոպրակների վաճառքը և անվճար տրամադրումը վաճառքի կետերում: Կառավարության նիստի ժամանակ ասաց ՀՀ վարչապետ Նիկոլ Փաշինյանը՝ որակելով սա որպես հերթական բարեփոխում:
ՀՀ շրջակա միջավայրի նախարար Հակոբ Սիմիդյանի խոսքով՝ օրենքն ընդունվել է 2020 թվականի գարնանը, սակայն ուշ է ուժի մեջ մտնում, որ արտադրողները հարմարվեն իրավիճակին ու կարողանան փոխել իրենց արտադրական կարողությունները:
«Պոլիէթիլենային և պլաստիկից պատրաստված իրերը շատ մեծ վնաս են հասցնում շրջակա միջավայրին և կարծում ենք՝ սա շատ կարևոր արգելք է: ՏԻՄ-երը պետք է ակտիվորեն ներգրավվեն այս գործընթացում և ապահովեն օրենքի կիրառումը»,- նշեց Սիմիդյանը:
Նիկոլ Փաշինյանը նշեց, որ սա այս գործընթացի առաջին քայլն է, և ժամանակի ընթացքում պետք է ընդհանրապես պոլիէթիլենից հրաժարվենք ու դուրս մղենք պոլիէթիլենային տոպրակները մեր կյանքից:
«Այդ տոպրակները մարդիկ օգտագործում են առավելագույնը 1-2 ժամ, որից հետո այն հայտնվում է բնության մեջ ու էական վնաս հասցնում»,- նշեց վարչապետը:
Մանրամասները՝ տեսանյութում:
