24.04.2026 | 23:32
Կապանում ջրանջատում կլինի
Սաակաշվիլին սպառնացել է կրկին հացադուլ հայտարարել
Քաղաքականություն
03.01.2022 | 17:36
Վրաստանի նախկին նախագահ Միխեիլ Սաակաշվիլին պահանջում է օտարերկրյա բժիշկներին թույլ տալ այցելել իրեն, ինչպես նաև իրավունք տալ շփվել փաստաբանների հետ՝ առանց կողմնակի անձանց ներկայության։ Այս մասին այսօր լրագրողներին հայտնել է նրա փաստաբան Շոթա Թութբերիձեն՝ հավելելով, որ հակառակ դեպքում հունվարի 6-ին նախկին նախագահը կրկին հացադուլ կհայտարարի, գրում է ՏԱՍՍ-ը։
«Պահանջում ենք անհապաղ Միխեիլ Սաակաշվիլիի բուժմանը թույլ տալ ներգրավել բժիշկների ԱՄՆ-ից, Ուկրաինայից, Նիդերլանդներից: Մենք հնարավորություն չունենք կոնֆիդենցիալ կապ պահպանել Միխեիլ Սաակաշվիլիի հետ, ինչը փաստաբանի և պաշտպանյալի հիմնարար իրավունքի խախտում է»,- ասել է Թութբերիձեն։
Հիշեցնենք՝ Վրաստանի նախկին նախագահ Միխեիլ Սաակաշվիլին հայրենիք է վերադարձել7 տարվա բացակայությունից հետո և անմիջապես ձերբակալվել։
Վրաստանում երկրի նախկին ղեկավարն անցնում է 4 քրեական գործերով, իսկ ձերբակալությունից հետո նրա հանդեպ ևս մեկ քրեական գործ է հարուցվել՝ սահմանն ապօրինի հատելու գործով։ Քաղաքական գործիչն անօրինական է համարում իր ձերբակալությունն ու ազատազրկումը, իսկ մեղադրանքները՝ կեղծված։
