22.01.2026 | 15:49
Ռուբեն Ռուբինյանն ընդունել է ՀՀ-ում Հունաստանի դեսպանին
Ուկրաինայի քաղաքացի Կալյուսկիին Ռուսաստանի պահանջով ձերբակալելը անհետևանք չի մնա․ Հովհաննես Իգիթյան. ՏԵՍԱՆՅՈՒԹ
Քաղաքականություն
13.04.2018 | 15:28
«Վերջերս Հայաստանի տարածքում ձերբակալվել է Ուկրաինայի քաղաքացի։ Հայկական կողմը նշում է, որ դա եղել է Ռուսաստանի պահանջով, և որ այդ մարդը սահմանն անցել է անօրինական։ Սակայն ես ուկրաինական կողմից տեղեկություններ ունեմ, որ նա սահմանն անցել է օրինական, այն երկու անձնագրերը, որ նա ունի, որևէ խնդիր չկա, նա անունը փոխել է ժամանակին և ստացել երկրորդ անձնագիր»,- այսօր լրագրողների հետ հանդիպմանը հայտարարեց միջազգային փորձագետ, ԱԺ արտաքին հարաբերությունների հանձնաժողովի նախկին նախագահ Հովհաննես Իգիթյանը։
Նա ընդգծեց․ «Այս հարցը շատ կարևոր է այն առումով, որ մինչև այս պահը Ուկրաինան միշտ արհամարհում էր Ադրբեջանի այն բոլոր պահանջները, որոնք վերաբերվում էին իր տարածքում գտնվող այս կամ այն , այդ թվում՝ Հայաստանի քաղաքացուն, Ադրբեջանին հանձնելուն։ Եվ հայկական կողմը պիտի գիտակցի, որ սա շատ կարևոր հարց է։ Հասկանում եմ, որ հիմա այլ խնդիրներով են խառը, կառավարություն են ձևավորում, բայց պիտի հասկանան, որ եթե Ուկրաինայի քաղաքացին՝ Բոգդան Կալյուսկին, խախտել է ինչ-որ մի ռեժիմ, ապա պետք է ուղղակի հանձնվի ուկրաինական կողմին»,- ընդգծեց բանախոսը։
Հիշեցնենք, որ Ուկրաինայի քաղաքացի, հայտնի բլոգեր Բոգդան Կալյուսկին մարտի 27-ին Կիևից ժամանել էր Երևան, ապա ամսի 30-ին՝ վերադարձի ճանապարհին, ձերբակալվել Երևանի «Զվարթնոց» օդանավակայանում՝ հիմնավորմամբ, թե նա գտնվում է միջազգային հետախուզման մեջ։ 2018թ. ապրիլի 1-ին հարուցված քրեական գործով Երևան քաղաքի ընդհանուր իրավասության դատարանի կողմից Կալյուսկիի նկատմամբ որպես խափանման միջոց է կիրառվել կալանավորումը՝ երկու ամիս ժամկետով:
Մանրամասները՝ տեսանյութում:
