Քաղաքականություն
30.12.2021 | 13:06
Վրաստանի նախկին նախագահ Միխեիլ Սահակաշվիլիին Գորիի զինվորական հոսպիտալից տեղափոխել են բանտ։ Այս մասին հայտնել է քաղաքական գործչի փաստաբան Նիկա Գվարամիան, գրում է «Սպուտնիկը»։
«Ռուսթավիի բանտից մենք զրուցեցինք փաստաբանների հետ և հաստատեցինք, որ Սաակաշվիլին իսկապես տեղափոխվել է այնտեղ»,- ասել է փաստաբանը։
Նա նշել է, որ դեռևս տեղյակ չէ իր պաշտպանյալի առողջական վիճակից։
Հիշեցնենք, որ նախօրեին այն բանից հետո, երբ Սաակաշվիլին տեղեկացվել էր բանտ ծրագրված տեղափոխման մասին, նրա առողջական վիճակը վատացել էր։ Նախկին նախագահի փաստաբան Նիկա Գվարամիան Գորիի հիվանդանոցում տեղի ունեցած վերջին իրադարձություններն անվանել է «Սաակաշվիլիին առևանգելու հերթական փորձ»։ Նրա խոսքով՝ զինվորական հոսպիտալն այժմ ոչնչով չի տարբերվում Գլդանիի բանտի հոսպիտալից:
Տաթև Ֆռանգյան
