17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
2021թ. Ադրբեջանի ԶՈՒ-ն մինչև 900 զորավարժություն է անցկացրել
Քաղաքականություն
29.12.2021 | 18:55
2021 թվականի ընթացքում ադրբեջանական բանակում բարձր տեխնոլոգիաների կիրառմամբ մինչև 900 հրամանատարաշտաբային, հատուկ մարտավարական զորավարժություններ են անցկացվել։ Ադրբեջանական լրատվամիջոցների հաղորդմամբ՝ այս մասին այսօր հայտնել է ՊՆ մամուլի քարտուղար, փոխգնդապետ Անար Էյվազովը։
Նա նշել է, որ ադրբեջանցի զինծառայողները մասնակցել են միջազգային մակարդակի մրցումների, որոնք անցկացվել են Ռուսաստանում, Ղազախստանում, Իրանում, ինչպես նաև մի շարք միջազգային զորավարժությունների Թուրքիայում, Պակիստանում, Վրաստանում և Ադրբեջանում։
Էյվազովը նաև հայտնել է, որ 2022 թվականին նույնպես նախատեսվում է զորավարժություններ անցկացնել մի շարք երկրների մասնակցությամբ՝ միջազգային ռազմական համագործակցության շրջանակում։ Ադրբեջանի ՊՆ խոսնակը նշել է, որ 2022-ին ադրբեջանցի զինծառայողները մասնակցելու են, մասնավորապես, Թուրքիայի հետ երկկողմ զորավարժությունների։
Էմմա Չոբանյան
