16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ի և ՆԱՏՕ-ի կողմից անվտանգության երաշխիքներ չտրամադրելու դեպքում ՌԴ-ի պատասխանը կարող է տարբեր լինել․ Պուտին
Քաղաքականություն
26.12.2021 | 12:55
ԱՄՆ-ի և ՆԱՏՕ-ի կողմից Ռուսաստանի անվտանգության երաշխիքներ չտրամադրելու դեպքում Մոսկվայի պատասխանը կարող է տարբեր լինել, տարբերակների ընտրությունը կախված կլինի ռազմական փորձագետների առաջարկություններից: Այս մասին կիրակի “Ռոսիա-1” հեռուստաալիքի եթերում հայտարարել է Ռուսաստանի նախագահ Վլադիմիր Պուտինը։
«Դա կախված է այն առաջարկներից, որոնք ինձ կներկայացնեն մեր ռազմական փորձագետները»,- ասել է Պուտինը։
Միևնույն ժամանակ Պուտինն ընդգծել է, որ Ռուսաստանը ձգտելու է այդ հարցի շուրջ բանակցությունների դրական արդյունքների հասնել:
Ինչպես դեկտեմբերի 23-ին կայացած մամուլի ասուլիսում հայտարարել է Ռուսաստանի ղեկավարը, Մոսկվայի հետագա գործողությունները կախված կլինեն ոչ թե ԱՄՆ-ի հետ անվտանգության երաշխիքների շուրջ բանակցությունների ընթացքից, այլ Ռուսաստանի անվտանգության անվերապահ ապահովումից։ Պուտինի խոսքով՝ այդ կապակցությամբ ռուսական կողմը պարզ և հստակ հասկացրել է, որՆԱՏՕ-ի հետագա շարժումն արևելք անընդունելի է։
Դեկտեմբերի 17-ին Ռուսաստանի արտաքին գործերի նախարարությունը հրապարակել է ԱՄՆ-ի հետ անվտանգության երաշխիքների մասին պայմանագրի, ինչպես նաև Ռուսաստանի և Հյուսիսատլանտյան պայմանագրի կազմակերպության անդամ պետությունների անվտանգության ապահովման միջոցների մասին համաձայնագրի նախագծերը: Դրանք ամերիկյան կողմին են փոխանցվել դեկտեմբերի 15-ին Ռուսաստանի դիվանագիտական գերատեսչությունում կայացած հանդիպմանը։
