08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
Հայաստանում իրականացվում է մի ծրագիր, որը կոչվում է հայության ոչնչացում. Աշոտ Մանուչարյան. ՏԵՍԱՆՅՈՒԹ
Քաղաքականություն
12.04.2018 | 16:15
Չկա Հայաստանի իշխանություն, այստեղ ինչ կատարվում է՝ որոշվում է դրսից: Այսօր լրագրողների հետ հանդիպմանը նման հայտարարություն արեց «Ղարաբաղ» կոմիտեի անդամ Աշոտ Մանուչարյանը:
«Սերժ Սարգսյանի թեկնածությունը Հանրապետական կուսակցությունում չեն որոշում. մինչև այդ տեսանք, թե ինչ եղավ՝ Բրիտանիան ուղարկեց իր ներկայացուցչին այստեղ, որ Հայաստանում նախագահ աշխատի, Սերժ Սարգսյանն այցելեց Վատիկան, որտեղ բոլոր առաջարկները , աղերսները ներկայացրեց, թե Հանրապետական կուսակցությունը դեռևս ինչ տաղանդներ ունի, ստացավ ինչ-որ հավաստիացումներ, գնահատականներ և հիմա աշխարհի ուժեղները որոշում են, թե Հայաստանում ինչ է լինելու»,- ներկայացրեց Մանուչարյանը:
Բանախոսի խոսքով՝ Հայաստանում իրականացվում է մի ծրագիր, որը կոչվում է Հայաստանի և հայության ոչնչացում. «Ծրագիրն իրականացնողն առանջին հերթին իշխանությունն է: Այն իրականացվում է 4 հիմնական գործիքներով`1-ինն այն որակի իշխանություն է, որը ձևավորվել է Հայաստանում: 2-րդ՝ ցեղասպան համակարգի ստեղծումն է. Հայաստանի վարած քաղաքականությունը ստիպում է, որպեսզի Ադրբեջանը դառնա ցեղասպան պետություն: 3-րդ՝ մեր մարդկանց մեջ ներմուծում են կեղծ արժեքներ: Եվ 4-րդ՝ Բրիտանիան այստեղ իրականացնում է մի քիմիական ծրագիր, որը ոչնչացնելու է մեր ողջ ժողովրդին, այն կոչվում է Ամուլսար»:
Մանրամասները՝ տեսանյութում
