19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
ՆԱՏՕ-ի վերաբերյալ Պուտինի հայտարարություններում Բաքվում սպառնալիք են տեսնում Ադրբեջանի համար
Քաղաքականություն
23.12.2021 | 20:23
Ադրբեջանի ընդդիմադիր Դեմոկրատական ուժերի ազգային խորհուրդը ՆԱՏՕ-ի վերաբերյալ ՌԴ ղեկավարների վերջին հայտարարություններն ու գործողությունները, դիտարկում է որպես սպառնալիք Ադրբեջանի ինքնիշխանությանը, գրում է «Թուրան» գործակալությունը։
Տարածված հայտարարությունում Խորհուրդը կոչ է անում պաշտոնական Բաքվին՝ հայտարարել նման գործողությունների անթույլատրելիության մասին։ Մասնավորապես, Խորհուրդը սպառնալիք է համարում ՌԴ-ի կողմից ՆԱՏՕ-ին առաջարկած տարածաշրջանային անվտանգության համաձայնագրի նախագիծը։ Դրա համաձայն՝ ՆԱՏՕ-ն և ԱՄՆ-ն դադարեցնում են իրենց ռազմական գործունեությունն Ուկրաինայում, Կովկասում և Կենտրոնական Ասիայի երկրներում ու երաշխավորում, որ նախկին ԽՍՀՄ երկրները չեն անդամակցելու ՆԱՏՕ-ին։
Նման պահանջները, ըստ Դեմոկրատական խորհրդի, նշանակում են, որ Մոսկվան այդ շրջանները հայտարարում է իր շահերի գոտի՝ խախտելով այնտեղ գտնվող երկրների ինքնիշխանությունն ու անկախությունը։
«Ոչ մի պետություն, այդ թվում՝ Ռուսաստանը, չի կարող վետո դնել այլ երկրների հետ Ադրբեջանի ռազմական համագործակցության վրա, այդ թվում՝ ՆԱՏՕ- ։ Ռազմական դաշնակցի ընտրությունն Ադրբեջանի բացառիկ իրավունքն է»,- ասվում է հայտարարության մեջ։
Էմմա Չոբանյան
