14.09.2026 | 10:58
Բեռլինում նշվել է Հայաստանի անկախության 35-ամյակը․ ընդգծվել է ՀՀ–Գերմանիա ռազմավարական գործընկերության խորացումը
Իրանի ԱԳ նախարարը Բաքվում հայտարարել է, որ Թեհրանը պատրաստ է օգնել Ադրբեջանին՝ վերականգնել Արցախի գրավյալ տարածքները
Քաղաքականություն
23.12.2021 | 15:48
Իրանի ԱԳ նախարար Հոսեյն Ամիր Աբդոլլահիանը հայտարարել է, որ Թեհրանը պատրաստ է տեխնիկական ու ինժեներական աջակցություն ցուցաբերել Ադրբեջանին Արցախի գրավյալ տարածքների վերականգնման համար։ Այս մասին գրում է իրանական «Tasnim» գործակալությունը։
Հաղորդվում է, որ նախօրեին Բաքվում Ադրբեջանի իր գործընկեր Ջեյհուն Բայրամովի հետ հանդիպմանը Աբդոլլահիանն ասել է, որ Իրանը պատրաստ է տեխնիական ու ինժեներական ծառայություններ արտահանել Ադրբեջան։
Նա նաև հայտնել է «Իրանի պատրաստակամությունը՝ առաջարկելու իր հնարավորությունները՝ «ազատագրված տարածքների» վերականգնման գործում հարևան պետությանն օգնելու համար»։
Խոսելով տարբեր ոլորտներում Թեհրանի և Բաքվի միջև սերտ համագործակցության անհրաժեշտության մասին՝ Իրանի ԱԳ նախարարը կոչ է արել ջանքեր գործադրել՝ երկու երկրների մասնավոր հատվածների միջև փոխգործակցությունն ավելի ընդլայնելու համար։
Իր հերթին, Ջեյհուն Բայրամովը Իրանի և Ադրբեջանի նախագահների՝ Թուրքմենստանում կայացած հանդիպման պայմանավորվածությունները որակել է որպես երկու երկրների միջև «նոր հարաբերությունների ճանապարհային քարտեզ»:
Հավելենք, որ մեկօրյա աշխատանքային այցով Բաքվում գտնվող Իրանի ԱԳ նախարարը հանդիպել է նաև Ադրբեջանի նախագահ Իլհամ Ալիևի և Մեջլիսի խոսնակ Սահիբա Գաֆարովայի հետ։
Էմմա Չոբանյան
