17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Պատգամավորներին տոներին ընդառաջ պարգևավճար է բաժանվել
Հասարակություն
23.12.2021 | 13:45
Ազգային ժողովի նախագահ Ալեն Սիմոնյանը խորհրդարանի պատգամավորներին և աշխատակազմին պարգևավճար տալու որոշում է ստորագրել: Այս մասին տեղեկանում ենք գերատեսչության պաշտոնական կայքից:
«Ազգային ժողովի աշխատակազմի պետական ծառայողներին և աշխատողներին խրախուսել միանվագ դրամական պարգևատրմամբ՝ համաձայն հավելվածների»,-նշված է որոշման մեջ: Մի քանի ամսվա ընթացքում պատգամավորներն արդեն երկրորդ անգամ են դրամական պարգևատրման արժանանում, ընդ որում՝ կանգ չառնող գնաճի, ինչպես նաև մի շարք չլուծված սոցիալական խնդիրների ֆոնին։
Հիշեցնենք՝ Ալեն Սիմոնյանը նաև սեպտեմբերի 21-ին` Անկախության 30-ամյակի առթիվ էր պարգևավճար բաժանելու որոշում կայացրել: Պատգամավորներն այդ անգամ պարգևատրվել էին աշխատավարձի դրույքաչափի 75 տոկոսով, աշխատակազմը` 100%-ի չափով:
Նարեկ Կիրակոսյան
