18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Քաբուլում հզոր պայթյուն է որոտացել անձնագրերի տրամադրման գրասենյակի մոտ
Քաղաքականություն
23.12.2021 | 14:05
Այսօր հզոր պայթյուն է որոտացել Աֆղանստանի մայրաքաղաքում։ Այս մասին հայտնում է ՏԱՍՍ-ը՝ հղում կատարելով տեղական Khaama Press գործակալությանը։
Լրատվականի տեղեկությունների համաձայն՝ միջադեպը տեղի է ունեցել Քաբուլի հարավային մասի ամենաբանուկ շրջաններից մեկում՝ անձնագրերի տրամադրման կենտրոնական գրասենյակի մոտ։ Ականատեսների վկայությամբ՝ մագնիսական ական է պայթել, որն ամրացված է եղել գրասենյակի շենքի մոտ կայանված մեքենային։
Միևնույն ժամանակ, գեներալ Նաբի Մոբինը, որը թալիբների շարժման կողմից նշանակվել է Քաբուլի ոստիկանության խոսնակի պաշտոնում, Twitter-ի իր էջում հայտնել է, որ «մահապարտ ահաբեկիչը փորձել է մտնել անձնագրային ստորաբաժանում, սակայն չեզոքացվել է անվտանգության ծառայության կողմից»։
Նրա խոսքով՝ միջադեպի հետևւանքով խաղաղ բնակիչներից ոչ ոք չի տուժել։
Ավելի վաղ թալիբների ղեկավարությունը հայտնել էր, որ արմատական շարժման մարտիկներն անձնագրեր և անձը հաստատող այլ փաստաթղթեր կարող են ստանալ միայն հինգշաբթի օրերին։
Տաթև Ֆռանգյան
