Հյուսիսային Կորեան` համավարակի և տնտեսության ծանր իրավիճակում

Դեկտեմբեր ամսին լրացավ Հյուսիսային Կորեայի առաջնորդ Կիմ Չան Ընի կառավարման 10 տարին։

«Ամերիկայի ձայն»-ի հաղորդմամբ՝ ինչպես փորձագետներն են ասում, եթե Կիմն ունի Միացյալ Նահանգներին իր զինատեսակներով սպառնալու հնարավորություն, ապա չունի նման զենք` կորոնավիրուսին սպառնալու համար:

Հյուսիսային Կորեան այն երկու երկրներից մեկն է, որը դեռ չի սկսել կորոնավիրուսի դեմ պատվաստումներ։ Այս երկիրը որոշել է հիվանդության դեմ իր դռները փակել` երկրի դռներն արտաքին աշխարհի առջեւ փակելու եղանակով:

Հարվարդի բժշկական դպրոցից Քիի Փարքը ‘’Սկայպ’’-ով տված հարցազրույցում ասում է, որ այդ եղանակն իրեն արդարացնում է: ‘’Հյուսիսային Կորեան կարողանում է շատ ամուր փակել իր սահմանները և արգելել հիվանդության տեղաշարժն այստեղ’’:

Նույնիսիկ երկրի բնակիչների համար են սահմանված երկրի ներսում ճանապարհորդությունների խիստ սահմանափակումներ:

Սակայն դրան զուգահեռ կանգ է առել նաեւ Հյուսիսային Կորեայի եւ Չինաստանի միջեւ սահմանի երկայնքով առևտուրը:

Ինչպես Daily NK-ի գլխավոր խմբագիր Լի Սանգ Յոնգն է ասում. ‘’Հասարակ մարդիկ այժմ ուտում են օրական ընդամենը երկու անգամ՝ երեքի փոխարեն։ Եգիպտացորենի հաշվին ավելացել է բրնձի կիրառումը, եվ հստակ է, որ տնտեսական իրավիճակը աստիճանաբար վատթարանում է’’, ասում է նա:

Ewha-ի համալսարանի պրոֆեսոր Պարկ Ուոն Գոնի կարծիքով, տարվա առաջին կիսամյակում ‘’Հյուսիսային Կորեան կամ պետք է բացի իր սահմանները, կամ ինչ-որ այլ քայլերի դիմի այս դժվարությունները ճեղքելու համար’’։

Այսինքն`կարող է վերջապես ընդունել միջազգային պատվաստանյութերը, իր ժողովրդին պաշտպանելու համար:

Սակայն այս պայմաններում, երբ համավարակը դիտվում է որպես իր կառավարման դեմ սպառնալիք, Կիմ Չան Ընը կարող է պարզապես դիմել ժողովրդի նկատմամբ ավելի մեծ ու ավելի խիստ վերահսկողություն հաստատելու քայլերի: