06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Վրաստանին ՆԱՏՕ ներքաշելու փորձերը ՌԴ-ի համար «կարմիր գծի» խախտում են․ Լավրով
Քաղաքականություն
21.12.2021 | 17:47
Վրաստանին բռնի կերպով ՆԱՏՕ ներքաշելու փորձերը Ռուսաստանն ընկալում է որպես «կարմիր գծի» խախտում։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
Նա նշել է, որ Հարավային Օսիայի և Աբխազիայի «ԱԳ նախարարների հետ բանակցություններում քննարկել է հիպոտեթիկ սցենարները, այդ թվում՝ Վրաստանին բռնությամբ, նրա բնակչության մեծ մասի կամքին հակառակ ՆԱՏՕ ներքաշելու փորձերը»։
«ՆԱՏՕ-ի ընդլայնման վերաբերյալ մեր դիրքորոշումը հայտնի է՝ դա կլինի «կարմիր գիծ», եթե դաշինքը շարունակի ավելի ու ավելի մոտենալ Ռուսաստանի Դաշնության սահմաններին»,- ընդգծել է Լավրովը։
Նրա խոսքով՝ անվտանգության երաշխիքների առումով ՌԴ առաջակները, որոնք ներկայացված են ողջ Եվրատլանտյան տարածաշրջանում ընդհանուր անվտանգության համատեքստում, ցույց են տալիս, որ «Ռուսաստանն անկեղծորեն շահագրգռված է կանխելու իրադարձությունների բացասական զարգացումը ՆԱՏՕ-ի որոշ ստրատեգների սցենարներով»։
Դեկտեմբերի 17-ին ՌԴ ԱԳՆ-ն հրապարակել է ԱՄՆ-ի հետ անվտանգության երաշխիքների, ինչպես նաև Ռուսաստանի և Հյուսիսատլանտյան դաշինքի անդամ երկրների անվտանգության միջոցառումների մասին համաձայնագրերի նախագծերը։
Էմմա Չոբանյան
