22.08.2026 | 20:04
Ըմբշամարտի Մ-20 ԱԱ. Հենրիկ Հայկյանը կգոտեմարտի բրոնզե մեդալի համար
ՌԴ ԱԳՆ-ն չի բացառում Բելառուսում միջուկային զենքի տեղակայումը
Քաղաքականություն
21.12.2021 | 16:21
Եթե ԱՄՆ-ը և ՆԱՏՕ-ն հրաժարվեն Ռուսաստանի հետ քննարկել անվտանգության երաշխիքների հետ կապված նրա առաջարկները, ապա դիտարկվելու են բոլոր հնարավոր պատասխան գործողությունները․ շատ բան կախված է արևմտյան երկրների արձագանքից։ Այս մասին լրագրողների հետ զրույցում հայտարարել է ՌԴ ԱԳ փոխնախարար Սերգեյ Ռուդենկոն՝ մեկնաբանելով Բելառուսում միջուկային զենքի տեղակայման հնարավորությունը, գրում է ՌԻԱ Նովոստին։
Ավելի վաղ Բելառուսի նախագահ Ալեքսանդր Լուկաշենկոն հայտարարել էր, որ Մինսկը կառաջարկի ՌԴ-ին՝ իր տարածքում միջուկային զենք տեղակայել, եթե ՆԱՏՕ-ն նման քայլի գնա Լեհաստանում։
ՌԴ ԱԳ նախարար Սերգեյ Լավրովն էլ ասել էր, որ Լուկաշենկոյի ասածները պետք է ընկալել որպես Արևմուտքին նախազգուշացում։
«Բոլոր հարցերը քննարկվում են համալիր։ Մենք լսել ենք նման առաջարկներ մեր բելառուս դաշնակիցներից։ Բոլոր տարբերակները դիտարկվելու են, սակայն, ինչպես արդեն ասացի, դա կախված կլինի արձագանքից, որը մենք սպասում ենք ԱՄՆ-ից ու ՆԱՏՕ-ից»,- ասել է Ռուդենկոն։
Էմմա Չոբանյան
