08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հանրապետականն առաջադրելու է Սերժ Սարգսյանի թեկնածությունը, այլ թեկնածություն անգամ չի էլ քնարկվել. Շարմազանով․ ՏԵՍԱՆՅՈՒԹ
11.04.2018 | 21:00
Հայաստանի Հանրապետական կուսակցությունն այսօր Գործադիր մարմնի նիստ էր գումարել, որում ընդգրկված էր Սերժ Սարգսյանին վարչապետի պաշտոնում նշանակելու մասին հարցն ՝ ի թիվս այլ հարցերի։
ԳՄ նիստի ավարտից հետո լրագրողների հետ զրույցում Էդուարդ Շարմազանովը նշեց, որ, ըստ Սահմանադրության, իշխող քաղաքական ուժը պետք է ներկայացնի վարչապետի անունը, և այսօր ՀՀԿ-ն սկսեց քննարկումներ ապագա վարչապետի հետ կապված․ «Շաբաթ օրը մենք կներկայացնենք մեր վարչապետի թեկնածուին, կարծում եմ՝ պարզ է՝ ո՞վ է լինելու մեր վարչապետի թեկնածուն, այլ մարդու անուն չենք էլ քննարկել, այլ անուն չի եղել։ Կարեն Կարապետյանի առաջարկը գտել է վստահություն, և շաբաթ օրը կայանալիք ՀՀԿ խորհրդի նիստում կներկայացնենք մեր թեկնածուի անունը, թեև բացի Սերժ Սարգսյանի անունից այլ անուն չի էլ եղել, այլ առաջարկություն չի քննարկվել»,- ասաց Շարմազանովը՝ ընդգծելով, որ իրենց քննարկումները գնացին միասնության, համերաշխության մթոնոլորտում, առանց բացառության ՀՀԿ ԳՄ բոլոր գործիչներն ընդունեցին այն առաջարկը, որն արվել էր նախօրեին։
Ըստ Շարմազանովի՝ Սերժ Սարգսյանն այն պետական գործիչն է, ով այս տարիների ընթացքում առաջնորդվել է պետական շահի գիտակցմամբ, և ՀՀԿ-ի բոլոր անդամները բարձր են գնահատում նրա իմաստնությունն ու փորձը, ուստի այսօրվա նիստի ընթացքում որևէ մեկի մտքով չի էլ անցել այլ մարդու անուն տալ կամ առաջարկել։
Ամբողջությամբ՝ տեսանյութում
