17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՀԿ-ն կոչ է արել չեղարկել Սուրբ ծննդյան տոնակատարությունները
Քաղաքականություն
21.12.2021 | 13:25
Առողջապահության համաշխարհային կազմակերպությունը (ԱՀԿ) կոչ է արել խուսափել ավելորդ շփումներից և ճամփորդություններից ու կատարյալ Սուրբ Ծնունդ անցկացնել ընտանիքի հետ, հայտնում է Euronews-ը։
ԱՀԿ-ի ղեկավարությունը նախազգուշացրել է աշխարհում կորոնավիրուսի նոր՝«օմիկրոն» շտամի արագ տարածման հետ կապված ռիսկերի մասին:
«Բոլորս հոգնել ենք այս համաճարակից, բոլորն էլ ցանկանում են ժամանակ անցկացնել ընկերների և ընտանիքի հետ։ Ավելի լավ է ինչ-որ միջոցառում չեղյալ հայտարարել, քան հետո զրկվել կյանքից: Ավելի լավ է չեղարկել այսօր և նշել ավելի ուշ, քան նշել այսօր և տխրել դրանից հետո: Ոչ ոք չի ցանկանում 12 ամսից կրկին նման իրավիճակում հայտնվել»,- ասել է ԱՀԿ գլխավոր քարտուղար Թեդրոս Գեբրեյեսուսը:
Եվրոպական երկրները սկսել են սահմանափակող միջոցառումներ ձեռնարկել ԱՀԿ-ի կոչից շատ առաջ։ Ավստրիան երեքշաբաթյա լոքդաուն հայտարարեց, Նիդերլանդները և Դանիան տոներից անմիջապես առաջ հայտարարեցին մշակութային հաստատությունների փակման մասին, իսկ Շվեյցարիայում շատերը տեղափոխվեցին հեռավար աշխատանքային ռեժիմի: Եվ այս ամենը՝ պատվաստվելու ակտիվ արշավի ֆոնին։
Տաթև Ֆռանգյան
