19.11.2024 | 21:34
Լավրովն ԱՄՆ-ին մեղադրել է Բրյանսկի շրջանում ATACMS-ով հարվածներին մասնակցելու մեջ
«Ես ի՞նչ գործ ունեմ թուրքերի, Ալիևի հետ». Որոտանի գյուղապետը տեղեկություն չունի Գորիս-Կապան ճանապարհին ադրբեջանական բենզալցակայանի բացման մասին
Հասարակություն
20.12.2021 | 18:47
Այսօր ադրբեջանական մեդիառեսուրսները տեսանյութ են տարածել՝ նշելով, որ Գորիս-Կապան ճանապարհի Որոտանի հատվածում բենզալցակայանի բացման արարողություն է տեղի ունեցել։
Լուրի իսկությունը պարզելու նպատակով Factor TV-ն կապ հաստատեց Որոտանի գյուղապետ Սուրեն Օհանջանյանի հետ։
«Ես ի՞նչ գործ ունեմ թուրքերի, Ալիևի հետ, որ դա իմանամ»,-արձագանքեց գյուղապետը։ Օհանջանյանն ասաց, որ չի պարզել՝ ադրբեջանցիները բենզալցակայան կառուցել են, թե՝ ոչ։
Նշենք, որ բենզալցակայանի կառուցման վերաբերյալ լուրերը տարածվել էին դեռ նոյեմբերի 26-ին։
Այդ օրը գյուղապետ Հակոբջանյանը Factor TV-ին ասել էր. «Բայց ո՞վ է գնում այդ հատված, որ տեղյակ լինի՝ բենզալցակայան կառուցել են, թե՝ ոչ։ Ես չեմ գնում ու չեմ կարող որևէ մեկին ուղարկել, որ տեսնի՝ կա նման բան, թե՝ ոչ, որովհետև վտանգավոր է»։
Հիշեցնենք, որ ավելի վաղ՝ նոյեմբերի 10-ին, ադրբեջանական կողմը Գորիս-Կապան ճանապարհահատվածում մաքսակետ է տեղադրել։
Մերի Մարտիրոսյան
