24.04.2026 | 22:50
Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը. Փելոսի
Անհայտ անձը «ականապատել է» Մոսկվայի շրջանի բոլոր օդանավակայանները
Քաղաքականություն
20.12.2021 | 17:32
Անհայտ անձն «ականապատել է» Մոսկվայի շրջանի «Շերեմետևո», «Վնուկովո», «Դոմոդեդովո» և «Ժուկովսկի» օդանավակայանները։ Այս մասին ՏԱՍՍ-ին հայտնել է արտակարգ ծառայությունների աղբյուրը։
«Անանուն անձը հայտնել է Մոսկվայի շրջանի բոլոր չորս՝ «Շերեմետևո», «Վնուկովո», «Դոմոդեդովո» և «Ժուկովսկի» օդանավակայաններում պայթյունի սպառնալիքի մասին: Այժմ շենքերը ստուգում են կինոլոգները՝ պայթուցիկ սարքերի հայտնաբերման համար»,- ասել է գործակալության աղբյուրը:
Նա հավելել է, որ բոլոր օդանավակայաններն աշխատում են բնականոն հունով։
2019 թվականի նոյեմբերից Ռուսաստանում տարբեր օբյեկտների «ականապատման» ալիք է նկատվում։ Անհայտ անձինք էլեկտրոնային փոստով նամակներ են ուղարկում՝ դատարաններում, դպրոցներում, առևտրի կենտրոններում, խանութներում, համալսարաններում, երկաթուղային կայարաններում և օդանավակայաններում պայթյունների սպառնալիքների մասին տեղեկություններով։ Այս նամակները հիմնականում ուղարկվում են արտասահմանից։ Ռուսաստանի ԱԴԾ-ն հայտնել է մի շարք արտասահմանյան ռեսուրսների արգելափակման մասին, որտեղից նամակները եկել են։
Տաթև Ֆռանգյան
