18.07.2026 | 19:00
Wildberries-ը 2 մլն ռուբլի կվճարի ԱԹՍ-ների հարձակման հետևանքով զոհվածների ընտանիքներին, կփոխհատուցի նաև վաճառողների վնասները
Ես չեմ կարող կանխատեսումներ անել. ԵՊՀ ռեկտորի միակ թեկնածուին կողմ է քվեարկել 12, դեմ` 5 անդամ․ ՏԵՍԱՆՅՈՒԹ
Հասարակություն
17.12.2021 | 14:14
Երևանի պետական համալսարանի հոգաբարձուների խորհրդի նիստում ռեկտոր ընտրվեց միակ թեկնածուն՝ աստվածաբան Հովհաննես Հովհաննիսյանը, որ ԵՊՀ ռեկտորի ժամանակավոր պաշտոնակատարն էր: Նա ռեկտոր է ընտրվել 12 կողմ, 3 անվավեր, 5 դեմ ձայներով՝ 5 տարով:
Հովհաննես Հովհաննիսյանը լրագրողների հետ զրույցում նշեց, որ Հոգաբարձուների խորհրդի նիստը փակ էր՝ ըստ կանոնակարգի, ներկա էին միայն ԵՊՀ հոգաբարձուները: Նա ընդգծեց, որ ներկա չի եղել քվեարկությանը, քանի որ դրա իրավունքը չի ունեցել, սակայն վստահեցրեց, որ նիստն անցկացվել է լավ մթնոլորտում, հնչել են տարբեր ելույթներ, հարցեր։
Լրագրողների դիտարկմանը, թե մինչ այս Հովհաննիսյանը հայտնել էր, որ չի հավակնում ռեկտորի պաշտոնը ստանձնելուն, նա պատասխանեց, որ այդ մասին 2 տարի առաջ է ասել, դրանից հետո պլաններ են փոխվել։
Նորընտիր ռեկտորն ասաց, որ իր գործունեության 4 ամսվա ընթացքում, երբ պաշտոնակատար է եղել, ապացուցել է, որ աշխատել է հօգուտ ԵՊՀ–ի և պրոֆեսորադասախոսական անձնակազմի և ուսանողության։
Հարցին՝ եթե այլ թեկնածու լիներ, կրկին ի՞նքը կընտրվեր ԵՊՀ ռեկտոր, Հովհաննիսյանը պատասխանեց. «Ես չեմ կարող կանխատեսումներ անել»:
Մանրամասները՝ տեսանյութում:
