25.02.2026 | 10:18
NYMEX․ Ոսկու գինը նվազել է 0.94%-ով և կազմել 5155.80 դոլար
Քաղաքական և տնտեսական պատասխանատվությունը նույն անձն է կրելու․ Թաթուլ Մանասերյան․ ՏԵՍԱՆՅՈՒԹ
11.04.2018 | 16:40
Տնտեսագետ Թաթուլ Մանասերյանն այսօր կազմակերպված ասուլիսի ընթացքում ուշադրություն հրավիրեց հանգամանքի վրա, որ այսուհետ Հայաստանում և՛ քաղաքական, և՛ տնտեսական պատասխանատվությունը նույն անձն է կրելու․ «Ես այն համոզմանն եմ գալիս, որ մարդկանց մոտ կա վախ, մինչև վերջ ասելու, որովհետև լինելու են պատասխանատուներ, ովքեր ձախողել են ոլորտներ։ Ես ուզում եմ շեշտել, որ թե՛ նախագահը, թե՛ Կառավարությունը զգույշ լինեն տեղեկատվություն տարածելիս, որովհետև ասում են՝ կա ահավոր սուտ և կա վիճակագրություն»,-ասաց Մանասերյանն՝ ընդգծելով, որ Կառավարությունը ներկայացրել է 856 մլն դոլարի ներդրման մասին թիվ, որից պետք է ակնհայտ տեսանելի լինեին ստեղծված աշխատատեղերը, որոնք սակայն, չեն երևում։
Տնտեսագետը խոսեց Կառավարության հայտարարությունների և իրականության միջև առկա ակնհայտ հակադրությունների մասին՝ նշելով․ «Տնտեսական զարգացման և ներդրումների նախարարը նշել էր 7,5 հազար աշխատատեղերի մասին, վարչապետն էլ հորդորել է, որ հասցնեն այդ թիվը 10000-ի, սակայն, առաջին եռամսյակում ասում է, որ ստեղծվել են 3000 աշխատատեղ, նրա տեղակալն ասում է, որ ստեղծվել է 2500 աշխատատեղ, և տարին չեն ամփոփում»,-ասաց Մանասերյանը՝ հավելելով, որ Կառավարությունը պարզապես պետական բյուջեի ծախսը ներկայացնում է որպես ներդրում։
Ամբողջությամբ՝ տեսանյութում
