08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Արցախի գլխավոր դատախազությունը հարուցել է քրեական գործ Ասյա Խաչատրյանի պնդումների վերաբերյալ
11.04.2018 | 16:00
Արցախի Հանրապետության Մարդու իրավունքների պաշտպանի գրասենյակից ապրիլի 6-ին ստացվել էր գրություն` Երևան քաղաքի բնակչուհի Ասյա Խաչատրյանի պնդումների վերաբերյալ տվյալները քրեական վարույթի շրջանակներում ստուգելու մասին: Ինչպես տեղեկացանք ԱՀ գլխավոր դատախազության պաշտոնական էջից, տվյալ նյութերի հիման վրա ապրիլի 10-ին ԱՀ գլխավոր դատախազության հատուկ քննչական բաժնում հարուցվել է քրեական գործ՝ Քրեական օրենսգրքի 323-րդ հոդվածի 2-րդ մասի (պաշտոնեական լիազորություններն անցնելը` զուգորդված բռնության գործադրմամբ) հատկանիշով:
Մարտի 26-ին՝ ժամը 20:20-ին ԶԼՄ-ներում հրապարակվել էր մի նյութ, որին կից տեսանյութում ներկայացվել են Արցախի Հանրապետության ոստիկանության կողմից քաղաքացի Ասյա Խաչատրյանի նկատմամբ ապօրինություններ կատարելու վերաբերյալ վերջինիս պնդումները: Ներկայացված տեսանյութի հիման վրա, ղեկավարվելով ԱՀ մարդու իրավունքների պաշտպանի մասին օրենքի 15-րդ հոդվածով, ԱՀ մարդու իրավունքների պաշտպանը կայացրել էր սեփական նախաձեռնությամբ քննարկման ընթացակարգ սկսելու մասին որոշում:
