10.05.2024 | 23:53
Հայաստանի սամբոյի հավաքականը Եվրոպայի առաջնությունում 9 մեդալ է նվաճել
Սա գործընկերային վերաբերմունք չէր․ Մանե Թանդիլյանը՝ գործընկերների ակցիայի մասին․ ՏԵՍԱՆՅՈՒԹ
11.04.2018 | 15:37
ԱԺ «Ելք» խմբակցության պատգամավոր, ԼՀԿ անդամ Մանե Թանդիլյանի խոսքով՝ «Ելք» պատգամավորների իրականացրած ակցիան ավելի ողջունելի կլիներ, եթե քննարկվեր խմբակցությունում: Հիշեցնենք՝ այսօր «Ելք» խմբակցության պատգամավորներ Արարատ Միրզոյանն ու Լենա Նազարյանը ԱԺ նիստերի դահլիճում գունավոր ճայթռուկներ վառեցին:
«Այնուամենայնիվ, երբ դահլիճում քննադատական ու հեգնական խոսքեր, արտահայտություններ էին հնչում, ես կոչ արեցի իմ պատգամավոր գործընկերներին չհեգնել և ըմբռնումով մոտենալ ակցիային»,- անդրադառնալով տեղի ունեցածին՝ լրագրողների հետ զրույցում ասաց Մանե Թանդիլյանը:
Հարցին՝ դժգոհության ձևը ընդունելի համարո՞ւմ է, Մանե Թանդիլյանը պատասխանեց. «Մենք այստեղ գործընկերն էինք և լավ կլիներ, որ դա քննարկվեր գործընկերների հետ, իսկ սա գործընկերային վերաբերմունք չէր: Մենք դահլիճում չպետք է անակնկալի գայինք»: Այլ հարցերի պատգամավորը հրաժարվեց պատասխանել՝ նշելով, որ բոլոր թեմաներին կանդրադառնա ապրիլի 18-ից հետո:
Ամբողջությամբ՝ տեսանյութում
