17.05.2026 | 19:49
Մենք մի հատ «ջարդված մատ» ունենք, անունը՝ Նիկոլ Փաշինյան, որը պետք է պոկենք և վռնդենք․ Քոչարյան․ ՏԵՍԱՆՅՈւԹ
Երևան քաղաքի գլխավոր ճարտարապետի պաշտոնը փոխանցել փոխքաղաքապետին․ Վաչե Տերտերյան․ ՏԵՍԱՆՅՈՒԹ
Քաղաքականություն
16.12.2021 | 15:22
ՀՀ տարածքային կառավարման և ենթակառուցվածքների նախարարությունը խորհրդարանի երկրորդ ընթերցմամբ ներկայացրել է օրենսդրական փոփոխությունների փաթեթ, որով առաջարկվում է Երևանի քաղաքապետի տեղակալների թիվը ևս մեկով ավելացնել:
ՀՀ տարածքային կառավարման ու ենթակառուցվածքների նախարարի տեղակալ Վաչե Տերտերյանը ԱԺ արտահերթ նիստում նշեց, որ նոր հաստիքով փոխքաղաքապետը ստանձնելու է Երևանի գլխավոր ճարտարապետի գործառույթները:
«Գլխավոր ճարտարապետի գործառույթները մեծ հաշվով վարչական գործառույթներ են: Երևանի քաղաքապետարանի մեր գործընկերների հետ նպատակահարմար ենք գտել այդ գործառույթները վերապահել վարչական կառույցի: Երևանը բավարար չափով հագեցած է մասնագիտական կառույցներով, նկատի ունեմ ճարտարապետանախագծային ոլորտում: Մյուս կողմից էլ արձանագրենք, որ կան շատ մասնագիտական խորհուրդներ, քաղաքացիական հարթակներ, ճարտարապետական մասնագիտական հանրույթ, որոնք ամենօրյա ռեժիմով մասնակցում են գործընթացին: Այս առումով կարծում ենք, որ Երևանի քաղաքապետարանում պետք է լինի գործուն ու արդյունավետ վարչարարություն իրականացնող մարմին, իսկ մասնագիտական կարծիքը լսելի է այլ հարթակներից»,- նշեց Տերտերյանը:
Նա նաև հավելեց, որ նախագիծը մանրակրկիտ քննարկվել է համապատասխան հանձնաժողովում, լիագումար նիստում ու բոլոր հարցերին արձագանքել են:
Մանրամասները՝ տեսանյութում:
