26.11.2024 | 17:45
Տաք քննարկում է եղել, մեկ հարված Հակոբ Ասլանյանի կողմից է եղել. Ռուբեն Մելիքյան․ ՏԵՍԱՆՅՈՒԹ
Ալժիրում ռազմական ինքնաթիռի կործանումից հետո ողջ մնացածներ չկան. ԼՈՒՍԱՆԿԱՐՆԵՐ
Քաղաքականություն
11.04.2018 | 14:16
Ալժիրի հյուսիսում գտնվող Բուֆարիկի օդանավակայանի մոտակայքում ռազմական ինքնաթիռի կործանումից հետո ողջ մնացածներ չկան: Այդ մասին «Ալ-Արաբիա» հեռուստաալիքին հայտնել է ալժիրցի ռազմական աղբյուրը. տեղեկացնում է ria.ru-ն:
Ինչպես տեղեկացնում է Ալժիրի տեղեկատվական գործակալությունը՝ աղետի ենթարկված ինքնաթիռն ուղևորվում էր հյուսիսային Բլիդա նահանգից հարավ-արևմուտք: Ուղևորների մեծ մասը զինծառայողներ էին: Ինքնաթիռն ընկել է օդանավակայանի մոտակայքում:
Այժմ փրկարարները մարում են վթարի վայրում առաջացած հրդեհը:
Նշվում է, որ ինքնաթիռն ընկել է թռիչքից րոպեներ անց: Վթարի հնարավոր պատճառներից մեկը կարող էր լինել տեխնիկական անսարքությունը:
Ընդհանուր առմամբ, աղետի հետևանքով զոհերի թիվը կարող է լինել ավելի քան 200 մարդ:
