11.12.2024 | 19:36
Թուրքական TRT-ի լրագրողները սիրիական Մանբիջում քրդերի կողմից ԱԹՍ-ի հարձակման են ենթարկվել
ՌԴ-ն վետո է դրել Սիրիայի վերաբերյալ ԱՄՆ բանաձևի վրա
Քաղաքականություն
11.04.2018 | 14:05
Ինչպես գրում է BBC-ն, ՄԱԿ-ի Անվտանգության խորհրդի հերթական նիստում Ռուսաստանը, ԱՄՆ-ը, Մեծ Բրիտանիան և մյուսները խոսել են Սիրիայում հավանական քիմիական հարձակման մասին, սակայն առաջարկված բանաձևերից ոչ մեկն այդպես էլ չի ընդունվել:
Նիստի ընթացքում Ռուսաստանն արգելափակել է Դամասկոսի արվարձաններում հավանական քիմիական գրոհի վերաբերյալ ամերիկյան բանաձևը: ԱՄՆ-ը, Ֆրանսիան և Մեծ Բրիտանիան նույն կերպ են պատասխանել Մոսկվային՝ դեմ քվեարկելով Սիրիայի ճգնաժամը կարգավորելու վերաբերյալ նրա ներկայացրած երկու բանաձևերին:
Սիրիայում աշխատող բժիշկները և փրկարարները հաղորդել էին, որ ապրիլի 7-ին Դումայում՝ Դամասկոսի արվարձանը հանդիսացող Արևելյան Գուտայի՝ ապստամբների վերահսկողության տակ գտնվող վերջին քաղաքում, հնարավոր է՝ քիմիական գրոհ է տեղի ունեցել, որի զոհերի թիվը հասնում է առնվազն 70-ի:
Թե իրականում ինչ է կատարվել, և որքան զոհ է եղել՝ անկախ աղբյուրներից առայժմ հնարավոր չէ ճշտել: Սիրիայի իշխանությունները քիմիական գրոհի մասին լուրը համարում են շինծու: Մինչդեռ արևմտյան երկրները, նաև ԱՄՆ-ը, համարում են, որ ակտիվիստների ներկայացրած տվյալները բավարար են:
