03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Հարձակում գործեցին, մասնավորապես, աղջիկների վրա․ Շահեն Հարությունյանը՝ ԵՊՀ-ի միջադեպի մասին
11.04.2018 | 12:52
#Իմքայլը և #Մերժիր Սերժին նախաձեռնության անդամները, ԵՊՀ-ի տարածքում ապրիլի 13-ի հանրահավաքի վերաբերյալ իրազեկում իրականացնելիս, ենթարկվել են բռնության»,- այս մասին Factor.am-ին ասաց ակցիայի մասնակից Շահեն Հարությունյանը․ «Իրազեկում էինք իրականացնում, մեզ մոտեցան ԵՊՀ-ի աշխատակցիներն ու սկսեցին քաշքշել, փորձեցին աղջիկների ձեռքից խլել թռուցիկները և թույլ չտալ, որպեսզի մենք մեր իրազեկման ակցիան ավարտենք։ Մեզ վրա հասան աշխատակազմի ղեկավարը, անվտանգության աշխատակիցներ և լարեցին իրավիճակը։ Հարձակում գործեցին, մասնավորապես, աղջիկների վրա։ Նրանք իրենց գործողություններով փորձում են պաշտպանել Սերժ Սարգսյանի հանցավոր ռեժիմը»,- ասաց Հարությունյանը։
Շահեն Հարությունյանը նշեց, որ իրենք դեռ ԵՊՀ-ի տարածքում են և շարունակելու են իրենց իրազեկման ակցիան։
Լիլիթ Շաբոյան
