03.07.2026 | 13:51
Ալեն Սիմոնյանի կադրերին ազատելո՞ւ եք աշխատանքից. Ռուբեն Ռուբինյանը` ԱԺ նախագահի աշխատակազմի մասին. ՏԵՍԱՆՅՈՒԹ
Թուրք-քրդական բախումներ Թուրքիայի 2 նահանգներում
Քաղաքականություն
11.04.2018 | 12:50
Ապրիլի 10-ի երեկոյան Թուրքիայի Բիթլիս նահանգում «Քուրդիստանի բանվորական կուսակցության» (ՔԲԿ-PKK) զինյալների կողմից տեղադրված ինքնաշեն պայթուցիկի գործադրման հետևանքով սպանվել է 1 թուրք պայմանագրային զինծառայող. փոխանցում է ermenihaber-ը:
Այդ մասին հայտնել է Բիթլիսի նահանգապետարանը։
Նույն օրը Թուրքիայի հարավարևելյան սահմանամերձ Հաքքարի նահանգի Չուքուրջա շրջանում թուրք-քրդական զինված բախման ժամանակ սպանվել է 1 թուրք զինվոր ևս։ Նշյալ տեղեկությունը հաստատել է նաև Թուրքիայի զինված ուժերի (ԶՈՒ) գլխավոր շտաբը։
Հիշեցնենք, որ PKK-ն Թուրքիայի կողմից համարվում է ահաբեկչական կազմակերպություն։ Վերջինիս դեմ գործողություններն իրականացվում են ինչպես Թուրքիայում ներսում, այնպես էլ Իրաքի Քանդիլ շրջանում, որտեղ գտնվում է PKK-ի գլխավոր ռազմաբազան։
PKK-ն հիմնադրվել է 1978թ. նոյեմբերի 27-ին Թուրքիայի Դիարբեքիր նահանգում։ Կուսակցության հիմնադիրը Աբդուլլահ Օջալանն է, ով այժմ ցմահ ազատազրկված է Թուրքիայի Իմրալը կղզու բանտում։
