17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
ՄԻԵԴ-ը մեծամասամբ բավարարել է ՀՀ-ի կողմից ներկայացված պահանջները` բովանդակային առումով․ Ե․ Կիրակոսյան․ ՏԵՍԱՆՅՈՒԹ
Քաղաքականություն
13.12.2021 | 13:33
ՄԻԵԴ-ը մեծամասամբ բավարարել է ՀՀ-ի կողմից ներկայացված պահանջները` բովանդակային առումով: Լրագրողների հետ հանդիպմանն ասաց ՄԻԵԴ-ում ՀՀ ներկայացուցիչ Եղիշե Կիրակոսյանը՝ անդրադառնալով դեկտեմբերի 7-ին կայացված որոշմանը։
Արդարադատության միջազգային դատարանը Հայաստանի ներկայացրած բովանդակային պահանջները բավարարել է։ Այսօր հրավիրված մամուլի ասուլիսի ժամանակ այս մասին ասաց ՄԻԵԴ-ում և արդարադատության միջազգային դատարանում ՀՀ ներկայացուցիչ Եղիշե Կիրակոսյանը` անդրադառնալով դեկտեմբերի 7-ին կայացված որոշմանը։
Նշեք, որ ՄԱԿ-ի միջազգային դատարանը մասնակի բավարարել է Հայաստանն ընդդեմ Ադրբեջանի` խտրականության բոլոր ձևերի վերացման միջազգային կոնվենցիայի խախտման հիմքով գանգատը։ Սակայն Ադրբեջանում պահվող հայ գերիներին վերադարձնելու հարցով միջանկյալ միջոց կիրառելու` հայկական կողմի պահանջը մերժվել է։ Դատարանը մասնակի բավարարել է նաև Հայաստանի դեմ Ադրբեջանի կողմից ներկայացված համանման հայցը։
«Պետք է արձանագրել, որ դատարանը մի քանի կարևոր ձևակերպումներ արեց։ Ճիշտ է` դատարանը չպնդեց, որ հայրենադարձման պահանջը բխում է ռասայական խտրականության վերացման կոնվենցիայի դրույթներից, սակայն ընդգծեց, որ գերեվարվածների հայրենադարձման հարցերը կանոնակարգում են մարդասիրական իրավունքի կոնտեքստում։ Հայտնի փաստ է, որ մարդասիրական իրավունքով հստակ պարտավորություն կա գերեվարված անձանց վերադարձնելու»,- նշեց ԿԻրակոսյանը:
Նրա խոսքով՝ բացի դրանից՝ դատարանն արձանագրեց, որ գերեվարված անձանց նկատմամբ վերաբերմունքը պայմանավորված է նրանց` ազգությամբ հայ լինելով։ «Դրանից ելնելով էլ դատարանը պարտավորեցրեց Ադրբեջանին ապահովել, որպեսզի գերեվարվածները չենթարկվեն մարդկային արժանապատվությունը նվաստացվող վերաբերմունքի»,-նշեց Կիրակոսյանը՝ կարևորելով նաև այն, որ դատարանն արձանագրեց` պետք է զերծ մնալ էթնիկ հայերի նկատմամբ ատելության խոսքի տարածումից ու հրահրումից։
Կիրակոսյանի խոսքով՝ կարևոր է նաև, որ դատարանն ընդգծեց` երբ ատելության խոսք է տարածվում բարձրաստիճան պաշտոնյայի կողմից, այն կարող է անդառնալի հետևանքներ ունենալ։ Սրանով իսկ դատարանը պարտավորեցրեց, որ Ադրբեջանի պաշտոնատար անձանց կողմից ատելության քարոզ չիրականացվի։ «Սա մեծ արձանագրում է և փաստում է նաև ՀՀ փաստարկների զորեղ լինելու մասին։ Սա հետագայում կարող է առանցքային նշանակություն ունենալ գործի համար»,- նշեց Կիրակոսյանը։
Նա հավելեց, որ կարևոր էր նաև դատարանի արձանագրումն առ այն, որ հայկական մշակութային ժառանգությունը պետք է պահպանվի, իսկ դրանք պղծողները պետք է պատասխանատվության ենթարկվեն։
Մանրամասները՝ տեսանյութում:
