08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ամեն մի նախագահի օրոք մամուլի նկատմամբ ճնշումներն ու հետընթացը յուրովի են եղել․ փորձագետներ. ՏԵՍԱՆՅՈՒԹ
Հասարակություն
10.04.2018 | 17:27
«Սերժ Սարգսյանի պաշտոնավարման տարիներին ինքը և իր շրջապատը փորձում են ներկայացնել, թե իրավիճակը շատ ավելի բարվոք է, քան եղել է նախորդ տարիներին։ Բայց ես պետք է նշեմ, որ ամեն մի նախագահի օրոք յուրովի են եղել ճնշումներն ու հետընթացը»,- այսօր «Հոդված 3» ակումբում հրավիրված քննարկմանն ասաց Խոսքի ազատության պաշտպանության կոմիտեի նախագահ Աշոտ Մելիքյանը։
Նա նշեց, որ Սերժ Սարգսյանի կառավարման տարիներին լրատվամիջոցների հասցեին հնչել են այնպիսի հայտարարություններ, որոնք որևէ այլ նախագահի օրոք չեն եղել: «Մի խումբ քաղաքացիներ փորձեցին բողոքել իրենց բնակարանային վիճակից և իրենց հետ էին մի քանի լրատվամիջոցներ, Սերժ Սարգսյանը հարցրեց՝ դուք եք իրենց հրավիրել, երբ բնակիչներն ասացին, որ ոչ, Սերժ Սարգսյանն արձագանքեց՝ բա ինչո՞ւ են եկել մեզ խանգարում»,- հիշեց Մելիքյանը։
Քննարկման մյուս բանախոսը՝ Մեդիանախաձեռնությունների կենտրոնի՝ media.am-ի խմբագիր Գեղամ Վարդանյանն էլ ասաց, որ Ռոբերտ Քոչարյանի օրոք էլ են լրագրողների հանդեպ բազմաթիվ ճնշումներ եղել, սկսած Ա1+-ի փակումից․ «Սերժ Սարգսյանի տարիների մասին որ խոսենք՝ 2008 թվականից մինչև 2015 թվականը, ֆիզիկական ճնշումներն ու բռնություններն ավելի քիչ էին, բայց 2015-ից սկսած՝ կոպիտ ասած ամեն ինչ տեղն ընկավ»։
Մանրամասները՝ տեսանյութում։
