10.08.2026 | 21:05
Սելավ Վայոց ձորում. ավտոճանապարհը լցվել է ջրաբերուկներով
Իրանը ցանկանում է, որ Թուրքիան Աֆրինը հանձնի Սիրիայի կառավարությանը
Քաղաքականություն
10.04.2018 | 19:34
Իրանի Իսլամական Հանրապետության (ԻԻՀ) պաշտպանության նախարար Ամիր Հաթեմին խոսել է Աֆրինի հետագա ճակատագրի մասին. փոխանցում է ermenihaber-ը:
Իրանը ցանկանում է, որ Աֆրինում վերահսկողություն սահմանած Թուրքիայի զինված ուժերը այն հանձնեն Սիրիայի կառավարությանը։
«Այդ հարցում Իրանը առաջին հերթին կողմնակից է այնպիսի քաղաքականությանը, որը հարգանք կցուցաբերի երկրների տարածքային ամբողջականութան և ազգային ինքնիշխանության նկատմամբ։ Մենք թուրք եղբայրներին ասել ենք, որր եթե Սիրիայի անվտանգության հետ կապված հարցերում մտահոգություններ ունենաք, ապա դրանք կլուծվեն բացառապես Սիրիայի իշխանությունների հետ համագործակցության միջոցով։ Ցանկանում ենք, որ թուրք եղբայրները հարգանք ցուցաբերեն Սիրիայի տարածքային ամբողջականության և ազգային ինքնիշխանության նկատմամբ»,-ասել է Իրանի պաշտպանության նախարարը։
Ավելի վաղ Ռուսաստանի արտաքին գործերի նախարար Սերգեյ Լավրովը հույս էր հայտնել, որ Թուրքիան Աֆրինը կհանձնի Սիրիայի կառավարությանը։
Հիշեցնենք, որ Սիրիայի տարածքում Թուրքիայի զինված ուժերի կողմից իրականացվող «Ձիթենու ճյուղ» ռազմական օպերացիայի շրջանակներում Աֆրինը արդեն անցել է Թուրքիայի զինուժի վերահսկողության տակ։ Նախկինում այն գտնվում էր Սիրիայի քրդական ուժերի վերահսկողության տակ։
