16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Թուրքիան և Կատարը 15 համաձայնագիր են ստորագրել հարաբերությունների խորացման վերաբերյալ
Քաղաքականություն
07.12.2021 | 21:29
Թուրքիան և Կատարը 15 համաձայնագրեր են ստորագրել՝ ուղղված երկկողմ հարաբերությունների ընդլայնմանը և երկու երկրների միջև համագործակցության խորացմանը։ Այս մասին գրում է «Ահվալ» գործակալությունը։
Պայմանագրերը ստորագրվել են երկու երկրների նախարարությունների կողմից, որոնք հաջորդել են Դոհայում Թուրքիայի նախագահ Ռեջեփ Թայիփ Էրդողանի և Կատարի Էմիր Թամիմ բին Համադ ալ-Թանիի առանձնազրույցին։
Պայմանագրերը ներառում են մի շարք ոլորտներ, ինչպիսիք են դիվանագիտությունը, առևտուրը, զբոսաշրջությունը, առողջապահությունը, կրոնը, հաղորդակցությունը, կրթությունը, աղետների և արտակարգ իրավիճակների կառավարումը:
Նշենք, որ Էրդողանը նախօրեին երկօրյա այցով մեկնել է Դոհա՝ մասնակցելու Թուրքիա-Կատար բարձրագույն ռազմավարական հանձնաժողովի 7-րդ նիստին։
«Թուրքիան նպատակ ունի ընդլայնել և զարգացնել հարաբերությունները Ծոցի երկրների հետ։ Մենք շարունակելու ենք մեր հարաբերությունները Ծոցի եղբայրների և քույրերի հետ, առանց որևէ տարբերության՝ մեր ընդհանուր շահերի շրջանակում ու փոխադարձ հարգանքով»,- ասել է Էրդողանը Կատար մեկնելուց առաջ։
Էմմա Չոբանյան
