20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Սերժ Սարգսյանն անփոխարինելի է պանամյան փաստաթղթերում հիշատակվող անձին նորից պատգամավոր հռչակելո՞վ, թե՞ Տիգրան Սարգսյանի կոռուպցիոն հանցագործությունը կոծկելով. ՏԵՍԱՆՅՈՒԹ
09.04.2018 | 20:46
ՀՔԱ Վանաձորի գրասենյակի նախագահ Արթուր Սաքունցն այսօր Ազատության հրապարակում «Մերժիր Սերժին» նախաձեռնության կազմակերպած «Ազատիչից ազատվելու տոնախմբությանը» հանրահավաքի ժամանակ անդրադարձավ իշխանության կողմից հանրային ընդվզումը ջլատելու փորձերին. «Առաջին թեզ՝ պայքարը չպետք է լինի Սերժ Սարգսյանի դեմ, պայքարը պետք է լինի համակարգի դեմ: Սրան որպես հակափաստարկ ես կարող եմ բերել հետևյալը՝ Հայաստանում իշխանությունը անձակենտրոն է: Սերժ Սարգսյանի վարչապետության անցմանը խոչընդոտելու դեպքում համարկարգը, որը կառուցված է իր վրա, կփլուզվի շատ պարզ»,-հայտարարեց Սաքունցը՝ նշելով, քանի որ Սերժ Սարգսյանը կադրեր չունի և ժամանակ է խնդրում կադրեր պատրաստելու համար, ուստի նրա վարչապետության դեմ պայքարը հիշեցնելու է խորտակվող նավ, որից առաջինը փախչում են առնետները:
Անդրադառնալով Սերժ Սարգսյանին անփոխարինելի որակող կոչերին՝ Սաքունցը հարցադրում հնչեցրեց. «Ինչո՞վ է անփոխարինելի` 7 մլրդ դոլարի պարտքով, անփոխարինելի է պանամյան փաստաթղթերում հիշատակվող անձին՝ Միհրան Պողոսյանին, նորից պատգամավոր հռչակելո՞վ, թե՞ անփոխարինելի է Տիգրան Սարգսյանի կոռուպցիոն հանցագործությունը կոծկելով»,-նշեց նա և հավելեց, որ Սերժ Սարգսյանը միայն կարող է ամբողջ ժողովրդին կամուֆլյաժ հագցնել և ստիպել աղոթել, և նա անփոխարինելի է իր իշխանության շարունակության համար արված սահմանադրական փոփոխություններով:
Ամբոջությամբ՝ տեսանյութում
