11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
«Սովորեք լսել, հատկապես՝ կանանց», «Անջատեք խոսափողը, ժամանակը սպառվել է»․ ՏԵՍԱՆՅՈՒԹ
Քաղաքականություն
07.12.2021 | 13:42
«Նիկոլ Փաշինյանը կառավարության 100 օրվան նվիրված հանրահավաքում հայտարարել է՝ երբ որ լինի որևէ փաստաթուղթ բանակցությունների սեղանին, կգա ու կներկայացնի ժողովրդին»,- ԱԺ ամբիոնից այս մասին հիշեցրեց «Հայաստան» խմբակցության պատգամավոր Ագնեսա Խամոյանը։
«Քաղաքացիական պայմանագիր» խմբակցության պատգամավոր Արման Եղոյանը սկսեց տեղից բղավել:
«Սովորեք լսել, հատկապես՝ կանանց: Այստեղ տղամարդկային կոդեքս չեմ բացատրելու»,- նշեց Խամոյանը:
ԱԺ նախագահ Ալեն Սիմոնյանը նախազգուշացրեց Եղոյանին՝ ասելով, որ կհեռացնի ԱԺ դահլիճից:
«Ստում է»,- ասաց Եղոյանը։
«Նույնիսկ այդ պարագայում ես Ձեզ կհեռացնեմ»,- արձագանքեց Ալեն Սիմոնյանը։
Ագնեսա Խամոյանը շարունակելով ելույթը՝ նշեց, որ զարմանում է, թե ինչու են այդպես բորբոքվում ՔՊ-ական պատգամավորները, այն դեպքում, երբ ԱԺ ամբիոնից Նիկոլ Փաշինյանն ասել էր՝ գուցե իրենց սխալն այն է եղել, որ չեն եկել, ժողովրդի հետ չեն խոսել։
Նա հիշեց իշխանավորների այլ հայտարարություններ կեղծ տեղեկանքների, միլիարդների մասին, ապա նշեց. «Երեք տարի իշխանության եք, բացահայտեիք այդ միլիարդները, «Մարտի 1»-ը, «Հոկտեմբերի 27»-ը։ Բացահայտեիք»։
Մանրամասները՝ տեսանյութում:
