26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ջորջ Քլունին մերժե՞լ է Turkish Airlines-ի` 35 միլիոն դոլարի դիմաց գովազդում նկարահանվելու առաջարկը
Քաղաքականություն
07.12.2021 | 16:11
Դերասան Ջորջ Քլունին Guardian-ին պատմել է, որ մեկ անգամ հրաժարվել է 35 միլիոն դոլարից՝ մեկ օրվա աշխատանքի համար։ Առաջարկը, նրա խոսքով, ավիաընկերության գովազդում նկարահանվելուն է վերաբերել:
«Ինձ առաջարկեցին 35 միլիոն դոլար մեկ օրվա աշխատանքի դիմաց` ավիաընկերության գովազդի համար»,- ասել է Քլունին The Guardian-ին տված հարցազրույցում:
«Բայց ես խոսեցի Ամալի հետ [կնոջ՝ մարդու իրավունքների հարցերով միջազգային փաստաբանի] այդ մասին, և մենք որոշեցինք, որ չարժե»,- բացատրել է Քլունին։
Նա նշել է, որ որոշումը կայացրել են այն պատճառով, որ ավիաընկերությունը կապված է եղել «մի երկրի հետ, որը թեև դաշնակից է, սակայն երբեմն վիճահարույց է լինում»։
Նշենք, որ Ամալ Քլունին 2016 թվականին Մարդու իրավունքների եվրոպական դատարանում քննված Հայոց ցեղասպանության վերաբերյալ գործով Հայաստանի շահերը պաշտպանող փաստաբաններից մեկն է եղել:
Asbarez պարբերականն իր հերթին գրում է, որ թեև Ջորջ Քլունին չի նշել ավիաընկերության անունը, շատերը ենթադրում են, որ խոսքը «Turkish Airlines»-ի մասին է, որի հիմնական բաժնետերը Թուրքիայի կառավարությանն է: Թուրքական ավիաընկերության առաջխաղացման համար այդ երկրի կառավարությունը միլիոնավոր դոլարներ է վճարել ամերիկացի հայտնիների, որպեսզի դառնան իր ապրանքանիշի դեմքը:
Տաթև Ֆռանգյան
