28.04.2026 | 18:10
Կանադայի վարչապետը Երևան կգա՝ ԵՔՀ գագաթնաժողովին // Հրապարակվել է ընտրողների նախնական ցուցակը․ ԼՈՒՐԵՐ
Սերժ Սարգսյանի երրորդ պաշտոնավարմամբ երկրում գոյություն ունեցող ճահիճը կդառնա, իր խոսքով ասած, գաղջի քառակուսի․Արամ Կարապետյան. ՏԵՍԱՆՅՈՒԹ
09.04.2018 | 20:16
Սերժ Սարգսյանի երրորդ պաշտոնավարմամբ երկրում գոյություն ունեցող ճահիճը կդառնա, իր խոսքով ասած, գաղջի քառակուսի: Այս մասին այսօր Ազատության հրապարակում Factor.am-ի թղթակցի հետ զրույցում ասաց «Նոր Ժամանակներ» կուսակցության ղեկավար, «Մերժիր Սերժին» նախաձեռնության համախոհ Արամ Կարապետյանը:
Վերջինիս խոսքով՝ Սերժ Սարգսյանի բոլոր դժվարությունները սկսվելու են այն օրվանից, երբ նա ստանձնի վարչապետի պաշտոնը. «Իր քաղաքական դժոխքը սկսվելու է այն պահից, երբ նա ստանձնի վարչապետի պաշտոնը»,-ասաց Կարապետյանը և ընդգծեց, որ ընդդիմության համար այս փուլում կարևոր է Ազատության հրապարակում ունենալ պայքարող քաղաքացիներ, որովհետև ապագայում մեզ շատ ավելի լուրջ խնդիրներ են սպասվում, եթե այս օրերի ընթացքում հնարավոր չլինի իրավիճակ փոխել:
Կարապետյանի համոզմամբ՝ իշխանական համակարգին միայն կարող է փրկել Աստված և, հետևաբար, Սերժ Սարգսյանի որևէ խոսք ու բերած արգումենտ քաղաքացու համար նշանակություն չի ունենալու. «Դա ինտրինգ է, դա քաղաքականություն չէ. քաղաքականությունն այն է, որ, օրինակ, Ադրբեջանի դրամական ռեզերվները կազմում են 42 մլրդ դոլար, մերը՝ երկու մլրդ»:
Ամբողջությամբ տեսանյութում
