17.11.2024 | 22:46
Փաշինյանը մեկնում է Վատիկան, հանդիպելու է Հռոմի Պապին
ՀՔԱՎ-ը Հայաստան վերադարձած գերիներից Տիգրան Հակոբյանի հարցով դիմել է ՄԻԵԴ
Հասարակություն
06.12.2021 | 18:57
2021 թ․ դեկտեմբերի 4-ին Հայաստան վերադարձան նոյեմբերի 16-ին գերեվարված 10 հայ գերիներ։
Նրանց շարքում էր նաև Տիգրան Հակոբյանը, որի գերեվարվելու լուրը իմանալուց հետո նրա ընտանիքը դիմել էր Հելսինկյան քաղաքացիական ասամբլեայի Վանաձորի գրասենյակ։
ՀՔԱՎ-ի հաղորդմամբ՝ իրենք անմիջապես հրատապ գանգատ էր ներկայացրել Մարդու իրավունքների եվրոպական դատարան՝ հիմքում դնելով համացանցում շրջանառվող տեսանյութը, որում երևում էր Տիգրանը։
ՀՔԱՎ-ի գանգատի հիման վրա ՄԻԵԴ-ը հրատապ միջոց կիրառելու որոշում է կայացրել և ժամկետ սահմանել դեկտեմբերի 1-ը։ Ադրբեջանը 6 օր ժամանակ է խնդրել և արդեն դեկտեմբերի 4-ին 10 գերիների շարքում վերադարձրել նաև Տիգրան Հակոբյանին։
ՀՔԱՎ իրավաբանները հրատապ միջոց կիրառելու դիմումներ ու գանգատներ Եվրոպական դատարան ներկայացրել են 44-օրյա պատերազմի ժամանակ գերեվարված այլ անձանց գործերով ևս։
