22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Չավուշօղլուն հայտարարել է, որ ԵՄ-ի և ՆԱՏՕ-ի անդամ մի շարք երկրներ հետաքրքրված են թուրքական անօդաչուների ձեռքբերմամբ
Քաղաքականություն
06.12.2021 | 16:23
ԵՄ-ի և ՆԱՏՕ-ի մի շարք երկրներ հետաքրքրություն են ցուցաբերում թուրքական անօդաչու թռչող սարքերի նկատմամբ։ Այս մասին հայտարարել է Թուրքիայի ԱԳ նախարար Մևլութ Չավուշօղլուն, սակայն որևէ երկիր չի նշել, գրում է «Ահվալ» գործակալությունը։
Անթալիայում անցկացված պաշտպանական արդյունաբերության համաժողովում ունեցած ելույթում նա նշել է, որ Անկարան շատ երկրների հետ է կապի մեջ թուրքական արտադրության անօդաչու թռչող սարքերի հետ կապված՝ նշելով Լեհաստանի կարևորությունը՝ որպես ԵՄ-ի և ՆԱՏՕ-ի առաջին անդամ, որը թուրքական անօդաչուներ ունի։
«Ներկայում ԵՄ-ի և ՆԱՏՕ-ի անդամ շատ երկրներ հետաքրքրված են մեր արտադրանքներով։ Ես չեմ ցանկանում նրանց անունները բացահայտել»,- ասել է Չավուշօղլուն։
Հավելենք, որ Թուրքիան վերջին տարիներին շուրջ մեկ տասնյակ երկրի անօդաչու թռչող սարքեր է վաճառել։ Լեհաստանն էլ ՆԱՏՕ-ի առաջին անդամն է, որը թուրքական «Բայրաքթար» անօդաչու թռչող սարքեր է պատվիրել։ Մայիսին երկրի պաշտպանության նախարար Մարիուշ Բլաշչակը հայտարարել է, որ Վարշավան 24 «Բայրաքթար» անօդաչու թռչող սարք է գնելու Թուրքիայից։
Ադրբեջանը, Կատարը, Ուկրաինան ևս ձեռք են բերել թուրքական անօդաչուներ, մի շարք երկրներ, այդ թվում՝ Պակիստանն ու Ղազախստանը, ևս հետաքրքրություն են ցուցաբերում դրանց նկատմամբ։
Էմմա Չոբանյան
